ట్రెండ్ మారినా... 'లవ్' బ్రాండ్ మారదు

కాలం మారినా కాదల్​ గొప్పతనాన్ని మెచ్చుకోవాల్సిందే. కొన్నిచోట్ల తప్పులు జరిగినా.. ప్యార్​ అనే బార్​లో లవర్ అనే మత్తుని సేవించి కిక్ ఎక్కించకుకోవాల్సిందే. ప్రేమలో పడాల్సిందే.

ప్రేమ... కాలం మారుతున్న కొద్ది తన పంథాను మార్చుకుంటూనే ఉంది. మూగ సైగల నుంచి లివింగ్​ రిలేషన్​షిప్స్ వరకు... ప్రేమలేఖల నుంచి వీడియో కాలింగ్ వరకు... ప్రేమను త్యాగం చేయడం నుంచి ప్రేమించే వారిని చంపే వరకు వచ్చింది. సాంకేతికంగా ఎంతో వృద్ధి సాధించిన తెలుగు సినిమా.. ప్రేమ విషయంలో ఎలా మారిందో ఇప్పుడు చూద్దాం!
1950లో...

• " class="align-text-top noRightClick twitterSection" data="">

ఆ కాలంలో ప్రేమికులు ఇప్పటిలా బయటకు రావడం కుదరదు. ఒకవేళ వచ్చినా పొడిపొడి మాటలతోనే కాలం వెల్లబుచ్చి జారుకుంటారు. కళ్లతోనే మాట్లాడుకునే వాళ్లు, ఆరాధించుకునే వాళ్లు.. తల్లిదండ్రులు అర్థం చేసుకుని అంగీకరిస్తేనే పెళ్లి. లేకపోతే గుండె రాయి చేసుకుని మర్చిపోతారు. కానీ కొన్నిసార్లు ఈ మౌన ప్రేమలు మనసుని ఎంతగానో భగ్నం చేస్తాయి. (పల్లెటూరు)
1960

• " class="align-text-top noRightClick twitterSection" data="">

అప్పుడప్పుడే పేమికుల మధ్య.. మౌనం స్థానంలో మాటలు చేరాయి. చొరవ పెరిగి బయట కలుసుకోవడం వాళ్ల ప్రేమలను పెద్దవాళ్లకు చెప్పడం పెరిగింది. తెలుగు సినిమాల్లో పెద్దలకు చెప్పి ప్రేమవివాహాలు చేసుకోవడం ఈ కాలం నుంచే ప్రారంభమయ్యాయి. (మూగనోము)
1970

• " class="align-text-top noRightClick twitterSection" data="">

మౌనం తర్వాత మాటలు అనంతరం ప్రేమలేఖలతో ప్రేమ పంథా మారింది. ముద్దు మురిపాలు, గొడవలు, సర్దుబాట్లు లాంటి వాటిని చిత్రాల్లో చూపించారు. కళాశాలలో ప్రేమను వ్యక్తీకరించడం ఈ కాలంలో ఎక్కువ చిత్రాల్లో కనిపించింది. (సావాసగాళ్లు)
1980

• " class="align-text-top noRightClick twitterSection" data="">

ప్రేమ... ఉత్తరాల నుంచి ఫోన్లకు మారింది ఈ కాలంలోనే... బయట విరివిగా కలవడం, పెద్దలను ఎదిరించి పారిపోయి పెళ్లి చేసుకునే సన్నివేశాలను చిత్రీకరించారు.. మాస్ ప్రేక్షకుల మీద ఎక్కువగా దృష్టి పెట్టి ప్రేమలో ఘాటు పెంచారు. అదర చుంబానాల(లిప్ కిస్) ట్రెండ్ ఈ దశకంలోనే ప్రారంభమైంది. (ఖైదీ)
1990

• " class="align-text-top noRightClick twitterSection" data="">

ఫోన్ల నుంచి ప్రేమ అంతర్జాలానికి చేరిందే ఈ దశాబ్దంలోనే. ఆన్​లైన్​ చాటింగ్​లు, అప్పుడప్పడే వస్తున్న పేజర్లు, సెల్యూలర్ ఫోన్లతో మాట్లాడుకునేవాళ్లు ప్రేమికులు. హృదయాన్ని హత్తుకునే గీతాలతో సంగీత ప్రియులను విశేషంగా ఆకట్టుకుందీ దశకం. సాంకేతికత సాయంతో ప్రేమను పలు రకాలుగా వ్యక్తపరిచారు దర్శకులు.
2000

• " class="align-text-top noRightClick twitterSection" data="">

కొత్తగా వచ్చిన మిలీనియంలో ముక్కుసూటిగా వ్యవహరించే అబ్బాయిలనే ఇష్టపడ్డారు అమ్మాయిలు. కవితాత్మకమైన మాటలు, సంభాషణలకు కాలం చెల్లింది. ప్రేమను విభిన్నంగా వ్యక్తపరుస్తూ... వన్​సైడ్ లవ్​లో కూడా సంతోషంగా ఉండవచ్చంటూ భిన్నంగా చూపించారు.
2010

• " class="align-text-top noRightClick twitterSection" data="">

ప్రేమను వ్యక్తీకరించడంలో మరో మెట్టెక్కింది ఈ దశకంలోనే. ఘాటైన అదర చుంబనాలతో(లిప్ కిస్) వెండితెరను అదరగొట్టారు. స్మార్ట్​ఫోన్​లలో చాటింగ్​లతో ప్రేమికుల మధ్య దూరం తగ్గింది. డిజిటల్ యుగంలో ప్రతి విషయాన్ని అంతర్జాలంలో పెడుతూ ట్రెండ్​కు తగ్గట్లుగా మారింది యువత. సామాజిక మాధ్యమాలు డేటింగ్ యాప్​లతో ప్రేమికులు ఖండాంతరాలు దాటారు.
2020

• " class="align-text-top noRightClick twitterSection" data="">

ఐదో తరం(5-జి) సాంకేతికత రాబోతున్న తరుణంలో కొందరిని చూస్తుంటే ప్రేమ మరింత బహిర్గతమవుతుందేమోనపిస్తుంది.! ఇప్పటికే అంతర్జాలంలోనే సమస్తం జరుగుతున్నాయి. లివింగ్ రిలేషన్​షిప్​లతో ఒక్కరోజులో పెళ్లిచేసుకుని మరుసటి రోజే విడాకులు తీసుకునే వాళ్ల సంఖ్య రోజురోజుకు పెరిగిపోతుంది! ఇందుకు సాక్ష్యం ఇటీవలే పెళ్లి చేసుకుని మూడు నిమిషాల్లో విడాకులు తీసుకుంది ఓ యువతి. ప్రేమలో విచ్చలవిడితనం, పార్కులు, సినిమా థియేటర్లు, ఇంటర్​నెట్ సెంటర్లు దాటి మెట్రో స్టేషన్ల వరకు చేరింది. ఇలాంటి విషయాలకు మన చిత్రాలు మినహాయింపేమీ కాదు!
కాలం మారినా కాదల్​ గొప్పతనాన్ని మెచ్చుకోవాల్సిందే... కొన్నిచోట్ల తప్పులు జరిగినా.. ప్యార్​ అనే బార్​లో లవర్ అనే మత్తుని సేవించి కిక్ ఎక్కించకుకోవాల్సిందే... ప్రేమించి అందరిని మెప్పించాల్సిందే. మొత్తానికి ట్రెండ్ మారినా లవ్ బ్రాండ్ మాత్రం మారదు!