అనంతపురం జిల్లా హిందూపురం సబ్డివిజినల్ పోస్టాపీస్ పరిధిలోని కిరికెర గ్రామ సబ్పోస్ట్ మాస్టర్గా మోహన్ కుమార్ పనిచేస్తున్నారు. ఇవాళ హిందుపురం సబ్డివిజినల్ పోస్టాపీస్ ఆవరణలో మోహన్ కుమార్.. పురుగుల మందు తాగి ఆత్మహత్యాయత్నం చేశాడు. గమనించిన ఉద్యోగులు స్థానిక ప్రభుత్వ ఆస్పత్రికి తరలించి చికిత్స అందించారు. ప్రస్తుతం అతని ఆరోగ్య పరిస్థితి నిలకడగా ఉందని వైద్యులు తెలిపారు. పైస్థాయి అధికారులు వేధింపులకు గురి చేస్తున్నారని మోహన్ పేర్కొన్నారు. దీంతో మనస్తాపం చెందిన అతను ఆత్మహత్యాయత్నానికి పాల్పడ్డాడు.
మోహన్ కుమార్ గతంలో పని చేసిన పోస్ట్ ఆఫీస్లో కొంత నగదు జమా విషయంలో అవకతవకలు జరిగిందనే విషయంపై విచారణకు పిలిపించామని హిందూపురం సబ్డివిజినల్ పోస్టాపీస్ పోస్టల్ ఇన్స్పెక్టర్ ఉమామహేశ్వరరావు తెలిపారు. అయితే అతను ఇక్కడికి వచ్చి సమాధానం తమకు ఇవ్వలేదు. ఆపై ఈ అఘాయిత్యానికి పాల్పడ్డాడని ఆయన పేర్కొన్నారు.
