సైబర్ దొంగలు కొత్త ఆలోచనలతో అమాయక ప్రజలను నిలువు దోపిడీ చేస్తున్నారు. హైదరాబాద్ మలక్పేట్ ఆనందనగర్కు చెందిన కృష్ణజా ఉద్యోగ వేటలో ఉన్నారు. ఈ క్రమంలో రెండు రోజుల క్రితం కృష్ణజాకు ఫోన్ వచ్చింది. జూబ్లీహిల్స్లోని కలర్స్ ఎంటర్టైన్మెంట్ సంస్థలో టీమ్ లీడర్ ఉద్యోగం ఖాళీగా ఉందని... మీరు కోరితే ఆ అవకాశం మీకే ఇస్తానంటూ చెప్పాడు గుర్తు తెలియన వ్యక్తి. కృష్ణజా సంతోషానికి అవధుల్లేకుండా పోయాయి.
ఉద్యోగం ఇవ్వాలంటే రిజిస్ట్రేషన్ కోసం ఇన్సూరెన్స్, సెక్యూరిటీ డిపాజిట్ ఇలా వివిధ కారణాల పేరుతో 79వేలు ఖాతాలో వేయించుకున్నాడు. ఆ తర్వాత స్పందించడం మానేశాడు. దీంతో బాధితుడు హైదరాబాద్ సైబర్ క్రైమ్ పోలీసులకు ఫిర్యాదు చేశాడు. కేసు నమోదు చేసుకున్న సైబర్ క్రైమ్ పోలీసులు దర్యాప్తు చేస్తున్నారు.
ఇవీ చూడండి: 'అత్యాశే శాపం.. పెరుగుతున్న ఆన్లైన్ గేమింగ్ మోసం'
