ప్రేమ పేరుతో వంచించిన ప్రియుడి ఇంటి ముందు ప్రియురాలు మౌన పోరాటానికి దిగిన ఘటన తెలంగాణలోని వరంగల్ రూరల్ జిల్లా సంగెం మండలం లోహిత గ్రామంలో వెలుగు చూసింది. అన్ని తానై చూసుకుంటానని నమ్మపలికిన సంతోష్ అదే గ్రామానికి చెందిన ఓ యువతితో 10 ఏండ్లు కలిసి సహజీవనం చేశాడు. పెళ్లి పేరెత్తగానే మొహం చాటేశాడు. దీంతో దిక్కు తోచని ఆ ప్రియురాలు ప్రియుడి ఇంటిముందు బైఠాయించి న్యాయపోరాటానికి దిగింది. సంతోష్ తో పెళ్లి చేయకపోతే చనిపోతానని... క్రిమి సంహారక మందుతో బోరున విలపిస్తూ కన్నీటి పర్యంతం అయ్యింది ఆ అభాగ్యురాలు. పోలీసులు నచ్చజెప్పే ప్రయత్నం చేసినా... పెళ్లి జరిపించే వరకు కదిలేది లేదని విలపించింది.
ఇదీ చదవండి: ఎస్‌ఈసీ రిట్‌ అప్పీల్‌ పిటిషన్.. విచారణ 18కి వాయిదా
