అందమైన డ్రెస్ చూపారు...పాత చీర పంపారు

ఆన్​లైన్ షాపింగ్​లో అందమైన దుస్తులు చూపిస్తారు. పొరపాటున నచ్చి కొనుగోలుకు ఆర్డర్ చేస్తే పాత చీరను ఇంటికి పంపిస్తారు. గుంటూరు జిల్లా తెనాలికి చెందిన ఓ యువతి ఆన్లైన్​లో ఆర్డర్ చేసి నిలువునా మోసపోయింది.

గుంటూరు జిల్లా తెనాలికి చెందిన యువతి ఆన్లైన్​లో షాపింగ్ చేసి మోసపోయింది. లేటెస్ట్ వెరైటీ దుస్తుల కోసం ఆన్​లైన్​లో వెదుకుతుండగా.. ఓ వెబ్​సైట్​లో ఉంచిన ఫొటోలు బాధితురాలికి నచ్చాయి. ఈ క్రమంలో రెండు రకాల డ్రెస్సులు కావాలని కోరింది. ఫలితంగా ఒక్కొక్కటి వెయ్యి రూపాయల అవుతాయని వాట్సప్ ద్వారా సమాధానం వచ్చింది.

కొరియర్ ద్వారా..

ఈ నేపథ్యంలో క్యాష్ ఆన్ డెలివరీ విధానం ఎంపిక చేసుకోగా.. కొరియర్ ద్వారా పార్శిల్ వచ్చింది. డబ్బులు చెల్లించి పార్శిల్ తీసుకున్నారు. దాన్ని తెరిచి చూడగా పాత చీర కనిపించింది. వెంటనే కొరియర్ వాళ్లను సంప్రదిస్తే.. తమకు సంబంధం లేదని వెబ్​సైట్ వాళ్లను అడగాలని సమాధానం ఇచ్చారు. వెబ్​సైట్​లో ఇచ్చిన నంబర్​కు ఫోన్ చేసినా, వాట్సప్ చేసినా స్పందన లేదు. దీంతో మోసపోయామని బాధితురాలు గ్రహించారు. ప్రముఖ ఈ కామర్స్ కంపెనీల ద్వారా మాత్రమే ఆన్​లైన్ కొనుగోళ్లు జరపాలని.. తెలియని వెబ్​సైట్లు, వాట్సప్ ద్వారా షాపింగ్ చేస్తే ఇలా మోసపోయే అవకాశం ఉందని పోలీసులు హెచ్చరిస్తున్నారు.

ఇవీ చూడండి : సెంటు భూమి పేరుతో 4 వేల కోట్లు దోచుకున్నారు: కాల్వ