కరోనా విజృంభణ వేళ అంతర్జాతీయంగా ఎయిడ్స్ చికిత్సలపై ఆందోళన వ్యక్తం చేశారు ప్రపంచ ఆరోగ్య సంస్థ డైరెక్టర్(డైరెక్టర్) జనరల్ టెడ్రోస్ అధనోం. హెచ్ఐవీ ఔషధాలను కరోనాకు ఉపయోగిస్తున్న కారణంగా మందులకు కొరత ఏర్పడే అవకాశం ఉందని స్పష్టం చేసింది.
"హెచ్ఐవీ ఔషధాలు విస్తృతంగా కరోనాకు వాడుతున్నట్లు మేం చేసిన సర్వేలో వెల్లడైంది. 73 దేశాల్లో ఎయిడ్స్కు ఉపయోగించే యాంటీ రెట్రోవైరల్ మెడిసిన్ నిల్వలు తరిగిపోతున్నట్లు సమాచారం అందింది. మహమ్మారి వల్ల ఏర్పడే మందుల కొరతను తట్టుకునేందుకు అన్ని దేశాలు ఎయిడ్స్ బాధితులకు ఆరు నెలలకు సరిపోయేలా ఔషధాలను సూచించాలి."
- టెడ్రోస్ అధనోం, డబ్ల్యూహెచ్ఓ డైరెక్టర్ జనరల్
2018-19 సంవత్సరాల్లో హెచ్ఐవీ కేసులు ఏటా 1.7 మిలియన్లు మాత్రమే పెరిగాయని వెల్లడించారు అధనోం. హెచ్ఐవీ పరీక్షలు, నియంత్రణ సేవలు సరైన రీతిలో అందని కారణంగా బాధితులకు అవసరమైన మేరకు చికిత్స అందడం లేదని స్పష్టం చేశారు. 3 కోట్ల 80 లక్షలమంది హెచ్ఐవీతో బాధపడుతున్నారని.. వారిని ఎంతమాత్రం విస్మరించకూడదని చెప్పారు.
'బాధిత పిల్లల్లో సగం మందికే చికిత్స'
హెచ్ఐవీతో బాధపడుతున్న బాల, బాలికల్లో సగం మందికే చికిత్స అందుతున్నట్లు వెల్లడించింది డబ్ల్యూహెచ్ఓ. హెచ్ఐవీ కేసులు ఇటీవల కాలంలో తగ్గాయని, మరణాల సంఖ్య కూడా తక్కువగానే నమోదవుతుందన్న డబ్ల్యూహెచ్ఓ.. పిల్లలకు చికిత్స అందించడంలో విఫలమవుతున్నట్లు చెప్పింది.
ఇదీ చూడండి: 'చైనా వెనక్కి తగ్గినా.. భారత్ అప్రమత్తంగానే ఉండాలి'
