Tom cruise Mission Impossible: టామ్ క్రూజ్ హీరోగా నటించిన 'మిషన్: ఇంపాజిబుల్' చిత్రాలకు ప్రపంచ వ్యాప్తంగా ఉన్న ఆదరణ ఎలాంటిదో ప్రత్యేకంగా చెప్పాల్సిన పనిలేదు. ఈ ఫ్రాంచైజీ నుంచి ఇప్పటికే ఆరు చిత్రాలు రాగా.. అవన్నీ బాక్సాఫీస్‌ ముందు కాసుల వర్షం కురిపించాయి. ఇప్పుడీ సిరీస్‌లో వరుసగా రెండు చిత్రాలు రానున్నాయి. ఇప్పటికే ఏడో భాగానికి సంబంధించిన చిత్రీకరణ పూర్తికాగా.. ఎనిమిదో భాగం శరవేగంగా షూటింగ్‌ జరుగుతోంది.
ఈ రెండు చిత్రాలకు 'మిషన్ ఇంపాజిబుల్ 7 - డెడ్‌ రికనింగ్‌:పార్ట్‌ 1', 'మిషన్ ఇంపాజిబుల్ 7 - డెడ్‌ రికనింగ్‌:పార్ట్‌ 2' అనే టైటిళ్లను ఖరారు చేసింది చిత్ర బృందం. ఈ విషయాన్ని హీరో టామ్ క్రూజ్ సామాజిక మాధ్యమాల ద్వారా తెలియజేశారు. 'డెడ్‌ రికనింగ్‌: పార్ట్‌1' వచ్చే ఏడాది జులై 14న విడుదల కానుండగా.. తర్వాతి భాగం 2024 జూన్‌ 28న ప్రేక్షకుల ముందుకు రానుంది. క్రిస్టోఫర్‌ మెక్‌క్వారీ దర్శకత్వంలో రూపొందుతోన్న ఈ చిత్రాల్ని.. పారామౌంట్‌ పిక్చర్స్‌ సంస్థ సమర్పిస్తోంది.
ఇదీ చూడండి: యమ హాట్గా అమీ జాక్సన్.. కియారా అందాల ఆరబోత
