సంచలన విజయం సాధించిన అర్డున్ రెడ్డి సినిమాతో తెలుగులో మంచి గుర్తింపు పొందారు నటుడు రాహుల్ రామకృష్ణ. తన సహజ నటనతో ప్రేక్షకులను అలరించారు. ఇప్పుడీ స్టార్ ఆర్టిస్ట్ ఓ గుడ్ న్యూస్ చెప్పారు. దీంతో సంక్రాంతి రోజు రామకృష్ణ ఇంట నిజమైన పండగ వాతావరణం వెల్లివిరిసింది. ఆ గుడ్ న్యూస్ ఎంటంటే.. రాహుల్ రామకృష్ణ తండ్రి అయ్యారు.
ఈ విషయాన్ని తన సోషల్ మీడియా ద్వారా పంచుకున్న రాహుల్.. సంక్రాంతి పండుగ రోజున కొడుకు పుట్టాడ‌ని తెలిపారు.'బాయ్.. సంక్రాంతి రిలీజ్' అంటూ తన కుమారుడి ఫొటోను ట్విట్టర్లో షేర్ చేశారు. ఈ న్యూస్ ప్రస్తుతం సోషల్ మీడియాలో వైరల్ అవుతోంది. రాహుల్ పెట్టిన పోస్ట్కు.. పలువురు సినీ సెలెబ్రెటీలు.. అభినందనలు చెబుతున్నారు.
- " class="align-text-top noRightClick twitterSection" data="
">
లఘుచిత్రాలతో సినీ పరిశ్రమలో అడుగుపెట్టారు రాహుల్. 'జయమ్ము నిశ్చయమ్మురా' చిత్రంతో తెరంగేట్రం చేశారు. ఈ సినిమాకు నటుడిగానే కాకుండా డైలాగ్‌ రైటర్‌గా కూడా పనిచేశారు. 'అర్జున్‌ రెడ్డి' మూవీ తో రాహుల్‌కు మంచి క్రేజ్ వచ్చింది. శివ పాత్రలో జీవించేశారు. దీంతో తక్కువ సమయంలో మంచి గుర్తింపు పొందారు. ఈ సినిమా తర్వాత టాలీవుడ్‌లో బిజీ క్యారెక్టర్‌ ఆర్టిస్టుగా మారిపోయారు. ప్రస్తుతం రాహుల్ నాలుగు సినిమాల్లో కీలకపాత్రలు పోషిస్తున్నారు. గతేడాది ఆర్‌ఆర్‌ఆర్‌తో సహా ఐదారు సినిమాల్లో నటించారు. నటనతో పాటు సింగర్‌, రైటర్‌, లిరిసిస్ట్‌గా సత్తా చాటుతున్నారు.
