టాలీవుడ్లోని మోస్ట్ ఎలిజిబుల్ బ్యాచిలర్స్ అంతా ఒక్కొక్కరిగా ఓ ఇంటివారు అవుతున్నారు. 2022లో ఆది పినిశెట్టి, నాగ శౌర్య లాంటి వారు తమ ప్రియమైన వారిని మనువాడగా.. ఇప్పుడు వారి కోవలోకి మరో స్టార్ రానున్నారట. అది కూడా ది మోస్ట్ అవెయిటడ్ స్టార్ బ్యాచిలర్. ఆయనెవరో కాదు మన శర్వానంద్. అవును ఇది నిజమేనని సినీ వ‌ర్గాల టాక్. సోషల్ మీడియాలో వైరలవుతున్న సమాచారం ప్రకారం త్వరలోనే హీరో శర్వానంద్ పెళ్లి చేసుకోబోతున్నారని.. ఆమె తెలంగాణకు చెందిన సాఫ్ట్వేర్ యువతి అని టాక్.
అమెరికాలో జాబ్ చేస్తున్న ఈమె ప్రస్తుతం కొవిడ్ కారణంగా హైదరాబాద్లోనే వర్క్ ఫ్రమ్ హోమ్ చేస్తున్నారట. మరో సమాచారం ఏంటంటే.. వీరిద్దరు గతకొంత కాలంగా ప్రేమలో ఉన్నారని వీరి గురించి ఇంట్లో చెప్పి శర్వానంద్ తన పెళ్లికి లైన్ క్లియ‌ర్ చేసుకున్నార‌ట. అయితే ఈ విషయాన్ని శర్వానంద్ ఎక్కడ కూడా ప్రస్తావించలేదు. దీంతో ఇవి రూమార్స్ అని కొందరు కొట్టి పారేస్తున్నప్పటికీ తమ అభిమాన హీరో ఓ ఇంటి వాడు అవుతున్నాడు అన్న ఊహ ఎంత బాగుందని ఫ్యాన్స్ సంబరపడిపోతున్నారు. ఇక సినిమాల విష‌యానికి వ‌స్తే.. 2022లో శర్వానంద్ మూడు సినిమాల్లో మెరిశారు. 'మ‌హా స‌ముద్రం','ఆడ‌వాళ్లు మీకు జోహార్లు' సినిమాలు బాక్సాఫీస్ వద్ద నిరాశపరచగా..'ఒకే ఒక జీవితం' మాత్రం స‌క్సెస్ సాధించింది.
