Raveena Tandon Pawankalyan: 'కేజీఎఫ్ 2' సినిమాలో బాలీవుడ్ నటి రవీనా టాండన్ నటించిన ప్రధానమంత్రి పాత్ర ఆమెకు దేశవ్యాప్తంగా గుర్తింపు తెచ్చిపెట్టింది. ఎన్నో ప్రశంసలు దక్కాయి. అయితే ఇప్పుడు రవీనాకు మరో సూపర్ ఆఫర్ వచ్చినట్టు తెలుస్తోంది. హరీశ్ శంకర్ దర్శకత్వంలో పవన్కల్యాణ్ హీరోగా నటిస్తున్న సినిమా 'భవదీయుడు భగత్ సింగ్'. ఈ చిత్రంలోని ఓ కీలక పాత్ర కోసం ఆమెను సంప్రదించినట్లు తెలిసింది. కథ, పాత్ర నచ్చి రవీనా కూడా గ్రీన్సిగ్నల్ ఇచ్చిందట. ఒకవేళ ఇదే కనుక నిజమైతే తెలుగులో ఆమె రీఎంట్రీ ఇవ్వనున్న సినిమా ఇదే అవుతుంది. కాగా, ఈ సినిమాలో పూజాహెగ్డే హీరోయిన్గా నటించనుంది.
Prabhas Salar movie: 'కేజీఎఫ్'తో జాతీయ స్థాయిలో గుర్తింపు తెచ్చుకున్న దర్శకుడు ప్రశాంత్ నీల్. 'కేజీఎఫ్ 2'తోనూ మరోసారి తన సత్తా చాటాడు. కథా నేపథ్యం, యశ్‌ నటన, ప్రశాంత్ నీల్ టేకింగ్‌ సినిమాను మరోస్థాయికి తీసుకెళ్లాయి. దీంతో అందరీ దృష్టి ప్రశాంత్ నీల్ దర్శకత్వంలో రూపొందుతున్న ప్రభాస్ 'సలార్'పైన పడింది. షూటింగ్ జరుపుకుంటున్న ఈ చిత్రం గురించి ఓ ఆసక్తికరమైన వార్త ఒకటి బయటకు వచ్చింది. ప్రస్తుతం ఓ భయంకరమైన లోయలో ఛేజింగ్ సీన్స్ను తెరకెక్కిస్తున్నారట. ఇప్పటికే ప్రీ క్లైమాక్స్కు సంబంధించిన యాక్షన్ సీన్ చిత్రీకరణ పూర్తయిందని సమాచారం. ఈ ఒక్క సన్నివేశం కోసం దాదాపు రూ.20కోట్లు ఖర్చు చేశారని తెలిసింది. కాగా, ఈ సినిమాలో శ్రుతిహాసన్ హీరోయిన్గా నటిస్తోంది.
Mahesh Babu Trivikram movie Sreeleela: సూపర్స్టార్ మహేశ్బాబుతో 'పెళ్లిసందడి' బ్యూటీ శ్రీలీల చిందులేయనుందా? అంటే అవుననే సమాధానం వినిపిస్తోంది. 'అతడు', 'ఖలేజా' తర్వాత మహేశ్ హీరోగా త్రివిక్రమ్ శ్రీనివాస్‌ డైరెక్షన్‌లో మరో కొత్త సినిమా తెరకెక్కనుంది. ఈ చిత్రంలో హీరోయిన్ పూజాహెగ్డేతో పాటు మరో గ్లామరస్ బ్యూటీకి స్పేస్ ఉందట. ఇందుకోసం శ్రీలీలను దర్శకుడు త్రివిక్రమ్ సంప్రదించారని తెలిసింది. ముందుగా ఈ మూవీలో నటించడానికి ఈ ముద్దుగుమ్మ ఆసక్తి చూపించలేదట. కానీ ఆ తర్వాత గ్రీన్ సిగ్నల్ ఇచ్చిందని తెలిసింది. సినిమాలో మహేశ్-శ్రీలీలపై ఓ అదిరిపోయే సాంగ్ను ప్లాన్ చేశారట మేకర్స్. కాగా, హారికా అండ్‌ హాసిని క్రియేషన్స్‌ పతాకంపై ఈ సినిమా రూపొందనుంది. బాలీవుడ్ సీనియర్ నటుడు అనిల్కూపర్ మహేశ్కు తండ్రిగా నటిస్తారని ప్రచారం సాగుతోంది.
ఇదీ చూడండి: ఈ వారమే 'ఆచార్య'.. ఇంకా ఏ చిత్రాలు రానున్నాయంటే?
