పవర్ స్టార్ పవన్ కళ్యాణ్ అటు రాజకీయాల్లో ఇటు సినిమాల్లో బిజీ బిజీగా గడుపుతున్నారు. ప్రస్తుతం ఆయన చేతిలో బోలేడు సినిమాలు ఉన్నాయి. కొన్ని సెట్స్లో, మరికొన్ని స్క్రిప్టింగ్ దశలో ఉన్నాయి. అయితే అందులో 'సాహో' డెరెక్టర్ సుజిత్ సినిమా కూడా ఉంది. ఇప్పటికే రిలీజైన ఓ పోస్టర్ ఫ్యాన్స్కు షాక్ తెప్పించగా.. తాజాగా మరో షాకింగ్ సర్ప్రైజ్ వార్త ఒకటి బయటకు వచ్చింది. అదేంటంటే త్వరలో ఈ సినిమా సెట్స్పైకి వెళ్లనుందట. జనవరి 30న పూజ కార్యక్రమాలతో లాంఛనంగా ఈ సినిమా షూటింంగ్ ప్రారంభించబోతున్నట్లు తెలిసింది.
ఇకపోతే మామూలుగా పవన్ కల్యాణ్ అంటే మనకు ఎనర్జిటిక్ సాంగ్స్, డైలాగ్స్, ఫైట్స్ గుర్తొస్తాయి. అలాంటిది ఇప్పుడు రానున్న సుజిత్ సినిమాలో అలాంటివి ఉండవని సమాచారం. కేవలం యాక్షన్ సీన్స్ ఎక్కువగా ఉంటాయని సాంగ్స్ ఉండకపోవచ్చని తెలుస్తోంది. లేటెస్ట్ హిట్ సినిమా విక్రమ్లో కమల్ లాగా పవన్ ఫస్ట్ హాఫ్లో అంతంత మాత్రంగా కనిపిస్తారని సెకెండ్ హాఫ్లో ఇక అంతా పవనే ఉంటారని టాక్. ప్రస్తుతం ఈ విషయంలో సోషల్మీడియాలో ఫుల్ ట్రెండింగ్ అవుతోంది. ఒకవేళ అదే నిజమైతే ఫ్యాన్స్ ఫీలింగ్స్ ఎలా ఉంటుందో మరి.
ఇక సినిమా విషయానిక
స్తే 'ఆర్ఆర్ఆర్' లాంటి ప్రతిష్ఠాత్మక సినిమాలు నిర్మించిన ప్రముఖ డీవీవీ ఎంటర్‌టైనర్స్‌ సంస్థ ఈ చిత్రాన్ని నిర్మిస్తోంది. ఇటీవలే రిలీజైన పోస్టర్లో 'ఫైర్‌ స్ట్రోమ్‌ ఇజ్‌ కమింగ్‌' అనే క్యాప్షన్ జోడించారు. పోస్టర్ పై THEY CALL HIM #OG అని కూడా రాసుంది. పోస్టర్ బట్టి ఇది గ్యాంగ్‌స్టర్‌ మూవీలా అనిపిస్తోంది. ఈ చిత్రానికి రవి.కె.చంద్రన్ డీవోపీ అందించనున్నారు. ఈ సినిమాకు సంబంధించిన పూర్తి వివరాలు త్వరలోనే ప్రకటించనున్నారు. ఇకపోతే పవన్ ఈ చిత్రంతో పాటు క్రిష్‌ జాగర్లమూడి దర్శకత్వంలో 'హరిహరవీరమల్లు'లో నటిస్తున్నారు. ఈ సినిమా షూటింగ్ శరవేగంగా జరుగుతోంది. దీనితోపాటు హరీశ్‌ శంకర్‌తో కలిసి 'భవదీయుడు భగత్‌సింగ్‌' తో అలరించనున్నారు.
ఇదీ చూడండి: 'పఠాన్' ప్రభంజనం.. రెండు రోజుల్లోనే రూ.200కోట్లు.. వెనక్కి తగ్గేదే లే అంటూ షారుక్ ట్వీట్
