చిన్నప్పటి ఫొటోలను ఎంతో అపురూపంగా దాచుకుంటాం. అలాంటి ఫోటో ఒకటి ఇప్పుడు సోషల్ మీడియాలో తెగ వైరలవుతోంది. అందాల తార శ్రీదేవి సినిమాలో కూడా బాలనటిగా కనిపించింది ఈ హీరోయిన్. మెగాస్టార్ చిరంజీవి, వెంకటేశ్, నాగార్జున, బాలకృష్ణ, కమల్ హాసన్ వంటి స్టార్లతో కలిసి ఎన్నో సూపర్ హిట్స్ అందుకుంది. పైన ఫోటోలో ఉన్న ఈ అందాల ముద్దుగుమ్మను గుర్తుపట్టారా?
ఆ చిన్నారి మరెవరో కాదు.. సీనియర్ హీరోయిన్ మీనా. దక్షిణాది సినీ ప్రియులకు ప్రత్యేకంగా పరిచయం లేని పేరు. బాలనటిగా పలు చిత్రాల్లో నటించింది. తెలుగు, తమిళ, కన్నడ, మలయాళ ఇండస్ట్రీలో దాదాపు అందరూ అగ్రకథానాయకుల సరసన నటించింది. తెలుగు, తమిళ చిత్ర రంగాల్లో 1991 నుంచి 2000 వరకు.. సుమారు ఒక దశాబ్దం పాటు అగ్రతారగా నిలిచింది.
తెలుగులో వెంకటేష్, మీనా జంటగా నటించిన 'సుందర కాండ', 'చంటి', 'సూర్య వంశం', 'అబ్బాయిగారు' వంటి చిత్రాలు విజయవంతమయ్యాయి. ఈ సినిమాలలో తన అద్భుతమైన ప్రతిభతో ప్రేక్షకుల హృదయాలను గెలుచుకుంది. బాలకృష్ణతో.. 'ముద్దుల మొగుడు', 'బొబ్బిలి సింహం'.. మెగాస్టార్ చిరంజీవితో.. 'ముఠా మేస్త్రి', 'స్నేహం కోసం', 'శ్రీ మంజునాథ' వంటి చిత్రాల్లో నటించింది.
2009లో సాఫ్ట్‌వేర్ ఇంజినీర్ విద్యాసాగర్‌తో మీనా వివాహం జరిగింది. ఈ దంపతులకు నైనికా అనే కుమార్తె ఉంది. తెలుగులో 'పోలీసోడు' సినిమాతో మీనా కూతురు కూడా బాలనటిగా కనిపించింది. అయితే ఈ ఏడాది జూన్ 28న చెన్నైలోని ఎంజీఎం ఆసుపత్రిలో కొవిడ్ స‌మ‌స్య‌ల‌తో బాధ‌ప‌డుతూ మీనా భర్త తుదిశ్వాస విడిచారు.
ఇదీ చదవండి: ఆ నటితో పెళ్లి.. కానీ జాన్వీతో కలిసి జిమ్లో కేఎల్ రాహుల్ అలా!
అంతర్జాతీయ వేదికపై 'కశ్మీర్‌ ఫైల్స్‌' వివాదం.. స్టార్ యాక్టర్ ఫైర్
