భారత క్రికెట్ చరిత్రలో టీమ్ఇండియా మాజీ కెప్టెన్ మహేంద్ర సింగ్ ధోనీ తనకంటూ ఓ పేరును లిఖించుకున్నాడు. కోట్లాది అభిమానుల్ని సొంతం చేసుకున్నాడు. ప్రస్తుతం అంతర్జాతీయ క్రికెట్కు గుడ్బై చెప్పినా.. ఐపీఎల్‌లో చైన్నై సూపర్ కింగ్స్ జట్టుకు కెప్టెన్గా వ్యవహరిస్తూ సక్సెస్ఫుల్గా నడిపిస్తూ క్రికెట్ అభిమానులను అలరిస్తున్నాడు. ఇంకా పలు వ్యాపారాలు కూడా చేస్తున్నాడు. ఈ క్రమంలోనే 'ధోని ఎంటర్‌టైన్‌మెంట్ ప్రైవేట్ లిమిటెడ్' పేరుతో ప్రొడక్షన్ హౌస్ స్థాపించి సినీ ఇండస్ట్రీలోకి కూడా అడుగుపెట్టాడు. అయితే తాజాగా తన కొత్త తొలి ప్రాజెక్ట్ను ప్రకటించాడు. 'లెట్స్ గెట్ మ్యారీడ్' అంటూ టైటిల్ లుక్ పోస్టర్ గ్లింప్స్ను రిలీజ్ చేశాడు.
ఈ మూవీలో 'జెర్సీ' ఫేమ్ హరీష్ కల్యాణ్, 'లవ్ టుడే' హీరోయిన్ ఇవానా, సీనియర్ నటి నదియా, ప్రముఖ హాస్యనటుడు యోగి బాబు కీలక పాత్రల్లో నటిస్తున్నారు. రొమాంటిక్ కామెడీగా తెరకెక్కనున్న ఈ చిత్రానికి రమేశ్ తమిళమణి దర్శకత్వం వహిస్తున్నారు. మరిన్ని వివారలు త్వరలోనే రానున్నాయి. తమిళ్, తెలుగు, కన్నడ, మలయాళ భాషల్లో ఈ చిత్రం విడుదల కానుంది.
ఇకపోతే ఈ ప్రొడక్షన్ హౌస్‌కు ఆయన భార్య సాక్షి సింగ్ మేనేజింగ్ డైరెక్టర్‌గా బాధ్యతలు నిర్వర్తించనుంది. ఇకపోతే ఐపీఎల్ లేటెస్ట్ సీజన్.. ఏప్రిల్ మొదటి వారం నుంచి ప్రారంభంకానుంది. ఇప్పటికే మహీ ప్రాక్టీస్ కూడ్ మొదలు పెట్టేశాడు. దీనికి సంబంధించిన వీడియో కూడా రీసెంట్గా సోషల్ మీడియాలో వైరల్గా మారింది. దీంతో ఈ సీజన్లో మహీ ఆడతాడా లేదా అంటూ వచ్చిన అనుమానాలకు తెరపడింది.
ఇదీ చూడండి: ప్రేయసితో వివాహంబంధంలోకి అడుగుపెట్టిన మరో స్టార్ ప్లేయర్
