'అల్లుడు శ్రీను' సినిమాతో తెలుగు ఇండస్ట్రీకి ఎంట్రీ ఇచ్చిన యంగ్ హీరో బెల్లంకొండ సాయి శ్రీనివాస్. ప్రముఖ నిర్మాత బెల్లంకొండ సురేశ్ బాబు వారసుడిగా చిత్రసీమలో అడుగుపెట్టి.. తనకంటూ ఓ ప్రత్యేక గుర్తింపు తెచ్చుకున్నారు. తొలి సినిమాతోనే సూపర్ హిట్ను అందుకుని.. నటుడిగా పేరు తెచ్చుకున్నారు. అనంతరం ఆ జోరును కొనసాగించలేకపోయారు. అలా సినిమా ఫలితాలతో సంబంధం లేకుండా, కాంట్రవర్సీల జోలికి పోకుండా సైలెంట్గా తన పని తాను చేసుకుంటూ కెరీర్లో ముందుకెళ్తుంటారు. అయితే ఈ హీరోకి హిందీ యూట్యూబ్లో మంచి మార్కెట్ ఉంది. అక్కడి ఆడియెన్స్కు బాగానే కనెక్ట్ అయ్యారు. ఈయన సినిమాల హిందీ డబ్బింగ్ వెర్షన్లకు మంచి వ్యూస్ వస్తుంటాయి.
అయితే తాజాగా ఈ హీరో నార్త్లో ఓ అదిరిపోయే రికార్డును తన ఖాతాలో వేసుకున్నారు. ఏ హీరోకు సాధ్యం కానీ రికార్డును ఈయన సొంతం చేసుకున్నారు. ఈయన ఊరమాస్ డైరెక్టర్ బోయపాటి శ్రీనుతో.. 'జయ జానకి నాయక' సినిమా చేసిన సంగతి తెలిసిందే. 2017లో తెలుగులో విడుదలైన ఈ చిత్రం పాజిటివ్ టాక్ను తెచ్చుకుంది. అయితే ఇదే చిత్రాన్ని హిందీలో పెన్ మూవీస్ యూట్యూబ్ ఛానల్లో రిలీజ్ చేసింది. 'ఖూన్కార్' టైటిల్తో విడుదలైన ఈ మూవీ ఇప్పుడు అదిరిపోయే రికార్డును సొంతం చేసుకుంది. ఈ చిత్రం ఇప్పటివరకు రికార్డు స్థాయిలో 709 మిలియన్ వ్యూస్ను దక్కించుకుంది. ఏ సినిమాకైనా 700 మిలియన్స్ వ్యూస్ రావడం చాలా అరుదుగా జరుగుతుంటుంది. దీని తర్వాత కేజీయఫ్ హిందీ వెర్షన్ 702 మిలియన్ల వ్యూస్‌తో రెండో స్థానంలో నిలిచింది. ఈ విషయం ప్రస్తుతం సోషల్మీడియాలో చక్కర్లు కొడుతోంది. దీనికి సంబంధించిన ఓ ట్వీట్ వైరల్ అవుతోంది.
ఇకపోతే బెల్లంకొండ సాయి.. ఈసారి డైరెక్ట్గా హిందీ బాక్సాఫీస్ ముందు పోటీ పడటానికి సిద్ధమయ్యారు. తనకు తెలుగు డెబ్యూ ఇచ్చిన వీవీ వినాయక్ డైరెక్షన్లో ప్రభాస్ 'ఛత్రపతి' హిందీ రీమేక్తో బాలీవుడ్ ఎంట్రీ ఇవ్వనున్నారు. ఇది ఆయనతో పాటు వినాయక్‌కు తొలి హిందీ చిత్రం కావడం విశేషం. పెన్ స్టూడియోస్‌ బ్యానర్పై ధవల్‌ జయంతిలాల్‌ గడా, అక్షయ్‌ జయంతిలాల్‌ గడా సంయుక్తంగా నిర్మించారు. రీసెంట్గా ఈ చిత్రం నుంచి ఓ పోస్టర్ కూడా విడుదలైంది. అందులో శ్రీనివాస్.. కండలు తిరిగిన బాడీతో.. ఓ చేతిలో రాగి చెంబు పట్టుకొని.. వీపుపై గాయాలతో కనిపించారు. ఒరిజినల్ సినిమాకు కథ అందించిన విజయేంద్ర ప్రసాద్‌.. ఈ రీమేక్ కథకు రచయితగా వ్యవహరించారు. మే 12న ఈ చిత్రం థియేటర్లలో ప్రేక్షకుల ముందుకు రానుంది. మరి ఈ హిందీ 'ఛత్రపతి' బెల్లంకొండకి ఎలాంటి బ్రేక్ ఇస్తుందో చూడాలి.
ఇదీ చూడండి: 'NTR 30' కోసం హాలీవుడ్ టెక్నీషియన్స్.. విజువల్ ట్రీట్పై స్పెషల్ ఫోకస్!
