అఖండ, వీరసింహారెడ్డి చిత్రాలతో బ్యాక్ టు బ్యాక్ సక్సెస్లను అందుకుని ఫుల్ జోష్ మీదున్నారు గాడ్ ఆఫ్ మాసెస్, నట సింహం నందమూరి బాలకృష్ణ. ప్రస్తుతం ఆయన నటిస్తున్న కొత్త చిత్రం NBK 108. యంగ్ అండ్ ఫన్ డైరెక్టర్ అనిల్ రావిపూడి దర్శకత్వం వహిస్తున్నారు. ప్రస్తుతం శరవేగంగా చిత్రీకరణ జరుగుతోంది. ఈ సినిమాతో హ్యాట్రిక్ హిట్ కొట్టాలని బాలయ్యతో పాటు ఆయన అభిమానులు ఆశిస్తున్నారు. అయితే మూవీటీమ్.. సినిమాకు సంబంధించి ఓ కొత్త అప్డేట్ ఇచ్చింది. బాలీవుడ్ యాక్టర్ అర్జున్ రాంపాల్ సినిమాలో నటిస్తున్నట్లు అధికారికంగా ప్రకటించింది. ఓ ప్రత్యేక వీడియోను కూడా పోస్ట్ చేసింది. 'జాతీయ పురస్కార గ్రహీత, టాలెంటెడ్ ఆర్టిస్ట్ అర్జున్ రాంపాల్కు వెల్కమ్! తెలుగులో విలన్గా అరంగేట్రం చేయనున్నారు' అని చిత్ర నిర్మాణ సంస్థ షైన్ స్క్రీన్స్ పేర్కొంది. ఇందులో డైరెక్టర్ అనిల్ రావిపూడి-అర్జున్ రాంపాల్ కలిసి ముచ్చటిస్తూ కనిపించారు.
అర్జున్ రాంపాల్ నోట బాలయ్య డైలాగ్.. 'ఫ్లూట్ జింక ముందు ఊదు. సింహం ముందు కాదు'.. బాలకృష్ణ డైలాగ్ను.. ఈ వీడియోలో అర్జున్ రాంపాల్ చెప్పడం విశేషం. అనిల్ రావిపూడితో చేస్తున్న సినిమాలో మంచి డైలాగులు ఉన్నాయని అర్జున్ తెలిపారు. సినిమాలో అవకాశం ఇచ్చినందుకు బాలయ్యకు థాంక్స్ అంటూ నమస్కారం పెట్టారు.
ఇకపోతే NBK 108 సినిమా విజయదశమి కానుకగా ప్రేక్షకుల ముందుకు రానుంది. అయితే ఈ సినిమా ఓటీటీ రైట్స్ భారీ రేటుకు అమ్ముడుపోయాయని సమాచారం. ప్రముఖ ఓటీటీ వేదిక అమెజాన్ ప్రైమ్ వీడియో రూ. 36 కోట్లకు కొనుగోలు చేసిందట. ఈ చిత్రంలో యంగ్ హీరోయిన్ శ్రీలీల నటిస్తోంది. ఆమె బాలకృష్ణ కుమార్తెగా కనిపించనుందని మొదట్లో ప్రచారం సాగింది. కానీ ఆ తర్వాత శ్రీలీలకు బాబాయ్గా బాలయ్య కనిపించనున్నారని అన్నారు. మరి ఇందులో ఏది నిజమో తెలియాల్సి ఉంది. సీనియర్ యాక్టర్ శరత్ కుమార్ బాలయ్య సోదరుడిగా కనిపించనున్నారు. ఈ చిత్రాన్ని షైన్ స్క్రీన్స్ పతాకంపై హరీష్ పెద్ది, సాహు గారపాటి నిర్మిస్తున్నారు.
బాలయ్య జోడీగా కాజల్.. బాలయ్యకు జోడీగా కాజల్ అగర్వాల్ నటిస్తున్నారు. వీరిద్దరి కలయికలో రూపొందుతున్న తొలి చిత్రమిది. నందమూరి కళ్యాణ్ రామ్ హీరోగా నటించిన 'లక్ష్మీ కళ్యాణం'తో కాజల్ హీరోయిన్గా పరిచయం అయ్యారు. ఆ తర్వాత ఎన్టీఆర్తో 'బృందావనం', 'టెంపర్' సినిమాల్లో నటించారు. ఇప్పుడు బాలయ్యతో కలిసి సినిమా చేస్తున్నారు.
- " class="align-text-top noRightClick twitterSection" data="">
ఇదీ చూడండి: అందాల శ్రీముఖి లగ్జరీ లైఫ్.. కారు, బంగ్లా, ఫ్యాషన్ సెన్స్ వేరే లెవల్!
