Anilravipudi NTR cinema: ప్రముఖ దర్శకుడు అనిల్ రావిపూడి నుంచి రాబోయే సినిమాల గురించి ఈ మధ్య కాలంలో కొన్ని వార్తలు వచ్చిన సంగతి తెలిసిందే. త్వరలోనే బాలయ్యతో ఓ సినిమా చేయబోతున్న ఆయన.. ఎన్టీఆర్తోనూ మూవీ చేస్తారని కథనాలు వచ్చాయి. తాజాగా 'ఎఫ్ 3' ప్రమోషన్స్లో పాల్గొన్న అనిల్.. తారక్తో సినిమాపై క్లారిటీ ఇచ్చారు. "ఇవన్నీ పుకార్లు మాత్రమే. ఇప్పటివరకు ఏది ఫైనలైజ్ కాలేదు. బాలకృష్ణతో మాత్రం సినిమా ఉంటుంది. సెప్టెంబరు నుంచి ప్రారంభమవుతుంది. ఇక తారక్తో టచ్లో ఉన్నాను. ఆయనకు ఎలాంటి లైన్ చెప్పలేదు. ప్రస్తుతం నా దృష్టంతా 'ఎఫ్3' పైనే ఉంది.. ఆ తర్వాత బాలయ్య మూవీపై ఫోకస్ చేస్తా" అని అన్నారు. కాగా, వెంకటేష్, వరుణ్ తేజ్ హీరోలుగా నటించిన 'ఎఫ్3' మే 27న ప్రేక్షకుల ముందుకు రానుంది. దీనిపై ప్రేక్షకుల్లో భారీ అంచనాలు నెలకొన్నాయి.
RRR Uncut Version: ఎన్టీఆర్, రామ్‌ చరణ్‌ కథానాయకులుగా రాజమౌళి దర్శకత్వంలో తెరకెక్కిన సినిమా 'ఆర్ఆర్ఆర్'. పీరియాడికల్‌ యాక్షన్‌ మూవీగా మార్చి 25న ప్రపంచవ్యాప్తంగా విడుదలైన ఈ చిత్రం మంచి విజయం సాధించింది. బాక్సాఫీసు వద్ద రూ.1100 కోట్లకు పైగా వసూళ్లు అందుకుంది. ఈ సినిమా ఇప్పుడు అమెరికాలో మరోసారి విడుదలకు సిద్ధమైంది. జూన్‌ 1న అమెరికాలోని వంద థియేటర్లలో మళ్లీ రిలీజ్ అవ్వనుంది. ఈ విషయాన్ని చిత్రబృందం ట్విట్టర్‌ వేదికగా ప్రకటించింది. అయితే ఈ సినిమాను కేవలం ఒక్కరోజు మాత్రమే థియేటర్లలో ప్రదర్శిస్తారు. స్పెషల్ స్క్రీనింగ్‌ పేరుతో సినిమాలోని తొలగించిన సన్నివేశాలను యథాతథంగా ఉంచి ప్రేక్షకుల ముందుకు తీసుకురానున్నారు. ఈ అన్‌కట్‌ వెర్షన్‌ సినిమాను చూడటం కోసం టిక్కెట్లను అందుబాటులోకి తీసుకురాగా.. అవి వేగంగా అమ్ముడయ్యాయట. మరి ఈ స్పెషల్ స్క్రీనింగ్‌ సందడి ఎలా ఉంటుందో చూడాలి.
ఇదీ చూడండి: ఆది పెళ్లిలో నాని హంగామా.. సాంగ్తో 'మేజర్', 'గాడ్సే' రిలీజ్ డేట్
