TOOFAN VEHICLE : ప్రకాశం జిల్లా దర్శి మండలం వెంకటాచలంపల్లి వద్ద తుఫాన్ వాహనం దగ్ధమైంది. కనిగిరి నుంచి నర్సరావుపేటకు 8 మంది పెద్దలు ఐదుగురు చిన్నారులతో వెళ్తున్న వాహనం దర్శి మండలం వెంకటాచలంపల్లి గ్రామం వద్దకు వచ్చేసరికి ఇంజన్లో పొగలు వచ్చాయి. ఇది గమనించిన డ్రైవరు వెంటనే వాహనాన్ని ఆపి ప్రయాణికులను కిందకు దింపాడు. ఆ తర్వాత బానెట్ తెరవబోతుండగా ఒక్కసారిగా మంటలు అంటుకున్నాయి. సమాచారం అందుకున్న అగ్నిమాపక సిబ్బంది మంటలను అదుపు చేశారు. కళ్ల ముందే వాహనం కాలిపోయింది. ప్రాణహాని లేకపోవటంతో అందరూ ఊపిరి పీల్చుకున్నారు.
ప్రకాశం జిల్లాలో తుఫాన్ దగ్ధం.. తప్పిన పెను ప్రమాదం
ఇవీ చదవండి:
