భారీ వర్షాలకు కూలిన మిద్దె.. 25 గొర్రెలు మృతి

పశువుల పాకపై మిద్దె కూలి పడిన ఘటనలో.. 25 గొర్రెలు మృత్యువాత పడ్డాయి. ఈ ఘటన అనంతపురం జిల్లా గాండ్లపెంట మండలం మునగలవారిపల్లిలో చోటుచేసుకుంది. గత కొన్ని రోజులుగా కురుస్తున్న భారీ వర్షాలకు పాక పక్కనే ఉన్న మిద్దె కూలడంతో గొర్రెలు అక్కడిక్కడే ప్రాణాలు కోల్పోయాయి.

భారీ వర్షాల ధాటికి పాత మిద్దె కూలి పశువుల పాకపై పడటంతో అందులోని 25 గొర్రెలు మృత్యువాత పడ్డాయి. ఈ ఘటన అనంతపురం జిల్లా గాండ్లపెంట మండలం మునగలవారిపల్లిలో జరిగింది.

గ్రామానికి చెందిన మస్తాన్ తనకున్న గొర్రెల మందను నిన్న రాత్రి పాకలో చేర్చాడు. ఎడతెరిపి లేకుండా కురుస్తున్న వానలకు పాక పక్కనే ఉన్న ఓ పాత మిద్దె కూలి పడగా... పాకలోని 25 గొర్రెలు చనిపోయాయి. జీవనాధారమైన గొర్రెల మరణంతో ప్రభుత్వమే తమను ఆదుకోవాలని యజమాని మస్తాన్ కోరుతున్నాడు.

ఇదీ చదవండి: