FIRE ACCIDENT: పీహెచ్​సీలో అగ్నిప్రమాదం... తప్పిన ప్రాణనష్టం

నెల్లూరు జిల్లా అనంతసాగరంలోని పీహెచ్​సీలో అగ్నిప్రమాదం (FIRE ACCIDENT) జరిగింది. షార్ట్​​ సర్క్యూట్ కారణంగానే అగ్ని ప్రమాదం సంభవించినట్లు అధికారులు చెబుతున్నారు.

నెల్లూరు జిల్లా అనంతసాగరంలోని ప్రాథమిక ఆరోగ్య కేంద్రంలో అగ్నిప్రమాదం(FIRE ACCIDENT) చోటు చేసుకుంది. రాత్రి ఈదురు గాలులతో కూడిన వర్షం పడడంతో.. ఆస్పత్రి లోపల షార్ట్​ సర్క్యూట్ జరిగి ఒక్కసారిగా మంటలు చెలరేగాయి. ప్రమాద సమయంలో ఆస్పత్రిలో ఎవరూ లేకపోవడంతో ప్రాణనష్టం తప్పింది.

కానీ ఆరోగ్య కేంద్రంలో ఉన్న ఫర్నీచర్, ఫ్రిడ్జ్​లు, ఫ్యాన్లతో పాటు పలు రకాల మందులు దగ్ధమయ్యాయి. మంటలను గుర్తించిన వాచ్​మెన్ ఫైర్ సిబ్బందికి సమాచారం ఇవ్వడంతో వారు ఘటనాస్థలానికి చేరుకుని మంటలను పూర్తిగా ఆర్పివేశారు.

ఇదీ చూడండి: Ap new cabinet: కొత్త మంత్రిమండలి కూర్పుపై మంతనాలు షురూ