లైవ్​ వీడియో: బైక్​ను తప్పించబోయి రెండు లారీలు ఢీ, ఇద్దరికి గాయాలు

ఓ ద్విచక్రవాహనదారుడు అకస్మాత్తుగా రోడ్డుపైకి వచ్చాడు. అటు వైపు నుంచి వచ్చిన టిప్పర్​ లారీ డ్రైవర్​ అతనిని గమనించి తప్పించబోయాడు. ఈ క్రమంలో ఎదురుగా వస్తున్న మరో టిప్పర్​ లారీని ఢీ కొట్టాడు. అంతే ప్రమాదంలో ఇద్దరు డ్రైవర్లకు గాయాలయ్యాయి. గమనించిన స్థానికులు వారిని ఓ ప్రైవేటు ఆస్పత్రికి తీసుకెళ్లారు.

తెలంగాణలోని రంగారెడ్డి జిల్లా రాజేంద్రనగర్ పీఎస్ పరిధిలో రోడ్డు ప్రమాదం జరిగింది. హిమాయత్ సాగర్ టోల్​గేట్ సమీపంలో అకస్మాత్తుగా రోడ్డుపైకి వచ్చిన బైక్​ను తప్పించబోయిన టిప్పర్ వాహనం ఎదురుగా వస్తున్న మరో టిప్పర్​ను ఢీ కొట్టింది.

ఘటనలో ఇద్దరు టిప్పర్ డ్రైవర్లకు గాయాలయ్యాయి. గమనించిన స్థానికులు వారిని స్థానిక ప్రైవేటు ఆస్పత్రికి తరలించారు. కేసు నమోదు చేసిన రాజేంద్ర నగర్ పోలీసులు దర్యాప్తు చేస్తున్నారు.

ఇదీ చూడండి: చల్లగా షి'కారు'.. మట్టి, పేడతో కోటింగ్