పారిశుద్ధ్య కార్మికులకు నిత్యావసరాలు అందజేత

కరోనా నేపథ్యంలో ప్రజల్లో మానవతా దృక్పథం వెల్లివిరుస్తోంది. లాక్ డౌన్ వేళ సేవలందిస్తున్న పారిశుద్ధ్య కార్మికులకు, పేదలకు ఎవరికి తోచిన విధంగా వారు సాయపడుతున్నారు. విశాఖకు చెందిన ఓ యువకుడు తన సొంత డబ్బుతో పారిశుద్ధ్య కార్మికులకు నిత్యావసరాలు పంపిణీ చేశాడు.

లాక్ డౌన్​లోనూ నిరంతరం సేవలందిస్తున్న విశాఖ నగరపాలక సంస్థ పారిశుద్ధ్య సిబ్బందికి ఓ యువకుడు నిత్యావసరాలు, కూరగాయలు అందించాడు. ప్రసాద్ అనే వ్యక్తి తన ఆదాయంతో సరకులు కొని కార్మికులకు వాటిని పంచుతున్నాడు. కరోనా కష్టకాలంలో వారు ఎంతో విలువైన సేవలు అందిస్తున్నారని.. వాళ్లకు ఎంతో కొంత చేయూతనిచ్చేందుకే తాను ఈ పనిచేస్తున్నట్లు యువకుడు తెలిపాడు.

ఇవీ చదవండి.. రోడ్డుపై చిత్రాలతో కరోనాపై అవగాహన