షాపింగ్ మాల్​లో దొంగతనంపై దర్యాప్తు ముమ్మరం

గాజువాక ఎంవీఆర్ షాపింగ్ మాల్ జరిగిన దొంగతనంపై పోలీసులు విచారణలో వేగం పెంచారు. సీసీ కెమెరాల ఆధారంగా వివరాలు సేకరిస్తున్నారు.

విశాఖపట్నంలోని గాజువాక ఎంవీఆర్ షాపింగ్ మాల్​లో.. ఈ మధ్య జరిగిన దొంగతనంపై పోలీసులు దర్యాప్తు ముమ్మరం చేశారు. సీసీ ఫుటేజ్ ఆధారంగా నిందితులను... ఇరానీ గ్యాంగ్​కు చెందినవారని అనుమానం వ్యక్తం చేశారు. వారి జాడ తెలుసుకునేందుకు తీవ్రంగా గాలిస్తున్నట్టు క్రైమ్ సీఐ అవతారం తెలిపారు. గత నెల 29న ఈ ఘటన జరిగింది. సేల్స్ మన్​ను మాటల్లో పెట్టిన దొంగలు చేతివాటం ప్రదర్శించారు. పదిన్నర తులాల బంగారు ఆభరణాన్ని ఎత్తుకు పోయారు.

సంబంధిత కథనం: మాటల్లో పెట్టారు... 10 తులాలు దోచుకుపోయారు