విశాఖ విమానాశ్రయంలో ప్రయాణికుల విమాన సర్వీసులు ప్రారంభంకానున్నాయి. హైదరాబాద్, బెంగళూరు, దిల్లీ నుంచి నాలుగు విమానాలు విశాఖకు వస్తాయి. దిల్లీ నుంచి వచ్చే ప్రయాణీకులు 7 రోజులు క్వారంటైన్ లో ఉండనున్నారు. ఆ తరువాత మరో 7 రోజులు హోం క్వారంటైన్లో ఉండాల్సి ఉంటుంది. హైదరాబాద్, బెంగళూరు నుంచి ప్రయాణీకులకు స్వాప్ టెస్టులు తీసుకున్న అనంతరం 7 రోజులు హోం క్వారంటైన్కు పంపించనున్నారు. చెన్నై, విశాఖ మధ్య విమాన సర్వీసు రద్దు అయినట్లు విమానాశ్రయ డైరెక్టర్ రాజా కిషోర్ తెలిపారు.
కోవిడ్ అనంతర మారిన పరిస్థితులకు అనుగుణంగా విమానాశ్రయంలో అనేక మార్పులు చేశారు. ముఖ్యంగా భౌతిక దూరం, టచ్ పాయింట్స్ ను నివారించండంపై ప్రత్యేకంగా దృష్టిసారించారు. కచ్చితంగా మనిషికీ, మనిషికీ మధ్య నిర్ధిష్ట దూరం ఉండేలా మార్కింగ్స్ ఇప్పుడు విమానాశ్రయం అంతటా కనిపిస్తాయి. ఎరైవల్ గేట్ లోకి ప్రవేశించడం మొదలు ప్రయాణికుడికి సంబంధించిన ఏ ఒక్క వస్తువు, లేదా టికెట్ వంటి వాటిని సిబ్బంది పట్టుకునే అవకాశం ఉండదు. పూర్తిగా కంప్యూటరైజ్ చేసిన వ్యవస్థ ద్వారా బోర్డింగ్ పాస్ లు జారీ చేయడం, లగేజ్ కోసం అవసరమైన స్టిక్కర్లు రావడం వంటి అనేక పనులు జరిగిపోతాయి.
ఇదీ చదవండి: తొలిరోజు నడిచిన దేశీయ విమానాలెన్నో తెలుసా?
