'జనవరిలోగా విశాఖ మెట్రో మెయిన్​ లైన్ పూర్తి చేస్తాం'

విశాఖ నగరంలో మెట్రో రైలు ప్రాజెక్టును విస్తరించి... సాగరతీరం దెబ్బతినకుండా చర్యలు చేపడతామని మంత్రి బొత్స సత్యనారాయణ తెలిపారు. నిర్మాణ సంస్థకు బిల్లులు పెండింగ్​లో లేవని వెల్లడించారు.

విశాఖ నగరంలో మెట్రో మెయిన్​ లైన్ పనులు జనవరిలోపు పూర్తి చేయనున్నట్లు నిర్మాణ సంస్థ తెలిపిందని... మంత్రి బొత్స తెలిపారు. మెట్రో నిర్మాణంపై వీఎంఆర్​డీఏలో అధికారులతో సమీక్ష నిర్వహించిన మంత్రి... ముఖ్యమంత్రి జగన్​తో ఎప్పటికప్పుడు సమావేశం నిర్వహిస్తున్నామని తెలిపారు. విశాఖ స్టీల్ ప్లాంట్ నుంచి మధురవాడ వరకు నిర్మాణంపై అధ్యయనం చేశామని బొత్స వివరించారు. విస్తరణలో భాగంగా భోగాపురం అంతర్జాతీయ విమానాశ్రయం వరకు నిర్మాణం పూర్తి చేస్తామన్నారు. విశాఖ బీచ్​కు ఎలాంటి భంగం కలగకుండా మెట్రో అనుసంధానం ప్రతిపాదన ఉన్నట్లు మంత్రి బొత్స వెల్లడించారు.

ఇదీ చదవండి: విశాఖ మెట్రో రైలు ప్రాజెక్టుపై మంత్రుల సమీక్ష