విశాఖలో.. బ్యాలెట్ బాక్సులకు సీలు వేసే ప్రకియలో అవకతవకలు జరిగాయని జనసేన పార్టీ నాయకులు పేర్కొన్నారు. వీఎంసీ 42వ వార్డులో రీపోలింగ్కు వాళ్లు డిమాండ్ చేశారు. ఏజెంట్ల నుంచి ప్రోసీడింగ్స్ సంతకాలు తీసుకోకుండానే బ్యాలెట్ పెట్టెలను బస్సులలో పంపించడంపై బూత్ ఏజెంట్లు నిరసన వ్యక్తం చేశారు. అధికారులను తీరుపై మండిపడ్డ ఏజెంట్లు.. అభ్యర్ధులతో కలిసి ఏసీపీ వాహనం ఎదుట బైఠాయించి నినాదాలు చేశారు. పోలింగ్ ప్రక్రియ ముగిసే సమయంలో కూడా ఆర్వో కనిపించకుండాపోవడంపై అనుమానాలు వ్యక్తం చేశారు.
అధికారపార్టీ కనుసన్నల్లోనే ఎన్నికల నిర్వహణ జరిగిందంటూ.. మండిపడ్డారు. వైకాపా అధికార దుర్వినియోగానికి తెగబడిందని.. రీపోలింగ్ నిర్వహించాలని జనసేన, తెదేపా నాయకులు డిమాండ్ చేశారు.
ఇదీ చదవండి:
స్ట్రాంగ్ రూం తాళాలపై సొంత సీల్ వేసుకునేందుకు పార్టీలకు అనుమతి: ఎస్ఈసీ
