నగరంలో ఆటోల ద్వారా దోపడీలకు పాల్పడుతున్న ముఠాను విశాఖ పోలీసులు అరెస్ట్ చేశారు. దోపిడీలకు పాల్పడుతున్న గణేష్, నాగమల్లి ఎల్లాజీ, తాళ్లూరి కుమార్ సహా ముగ్గురు మైనర్లు ఓ ముఠాగా ఏర్పడి దొంగతనాలు చేస్తున్నట్లు నేర విభాగపు డీసీపీ వి.సురేష్ బాబు తెలిపారు. కొద్ది రోజులు కిందట పాత గాజువాకలో ఆటోడ్రైవర్ని బెదిరించి ఆటోని దోపిడీ చేశారని చెప్పారు. కూర్మన్నపాలెం వద్ద వాహనం కోసం ఎదురుచూస్తున్న ఇద్దరు యువతులను బలవంతంగా ఆటో ఎక్కించి నాలుగు వేల నగదును కాజేశారు. అనంతరం యువతులను ఆటోలో నుంచి తోసేశారు. అక్కడే విధుల్లో ఉన్న ట్రాఫిక్ పోలీసులు వారికి వైద్య సహాయం అందించి అనంతరం యువతుల నుంచి ఫిర్యాదు స్వీకరించారు. నిందితులు పాత నేరస్థులుగా గుర్తించిన పోలీసులు వారిని అదుపులోకి తీసుకుని అరెస్టు చేశారు. వీరిలో ఎల్లాజీ అనే వ్యక్తి ఇటీవల రైల్వే స్టేషన్ వద్ద ఓ వ్యక్తి నుంచి 13 వేల నగదును కూడా దోపిడీ చేసినట్టు నేర విభాగపు డీసీపీ వి.సురేష్ బాబు తెలిపారు.
ఇదీ చదవండి :
