విశాఖ జిల్లాలో బ్లాక్ ఫంగస్ (మ్యూకార్ మైకోసిస్) పేషెంట్లకు చికిత్స కోసం కేజీహెచ్లోని డెర్మటాలజీ విభాగంలో 20 పడకలు కేటాయిస్తున్నట్టు జిల్లా కలెక్టర్ వి.వినయ్ చంద్ వెల్లడించారు. ప్రభుత్వ ఆదేశాల మేరకు జిల్లాలో క్లినికల్ మేనేజ్మెంట్ ప్రోటోకాల్ కమిటీని ఏర్పాటు చేశారు. ఆంధ్రా వైద్య కళాశాల ప్రిన్సిపల్ డా.పి.వి.సుధాకర్ నేతృత్వంలో సీనియర్ వైద్యులతో ఈ కమిటీ ఏర్పాటైంది. ప్రతి కేసును కమిటీ పరిశీలిస్తుందన్నారు. ఈ కమిటీలో ప్రభుత్వ ఛాతీ, ఈఎన్టీ, ప్రాంతీయ కంటి ఆసుపత్రి సూపరింటెండెంట్లు, న్యూరోసర్జరీ, జనరల్ మెడిసిన్, డెర్మటాలజి, మైక్రోబయాలజీ విభాగాధిపతులు సభ్యులుగా ఉంటారని కలెక్టర్ వివరించారు. అప్రమత్తంగా వ్యవహరించి వైద్య వర్గాలతో నిరంతరం సంప్రదిస్తారని చెప్పారు.
ఇదీ చదవండీ... 'ప్ర‌జ‌ల సొమ్ము వేతనంగా తీసుకుని తాడేప‌ల్లి కొంప‌కి చాకిరీ చేయ‌డమా..?'
