దక్షిణ మధ్య రైల్వేకి అధిక ఆదాయం తీసుకువచ్చే విజయవాడ డివిజన్.... ప్రయాణికులు, సరకు రవాణాలోనే కాదు...విద్యుత్ పొదుపులోనూ సత్తా చాటుతోంది. సౌర విద్యుత్ ఉత్పత్తి, వినియోగంలో విజయవాడ రైల్వే డివిజన్ తనదైన ముద్ర వేస్తోంది. దేశంలోనే తొలిసారి బిల్డింగ్ ఇంటిగ్రేటెడ్ ఫొటో వోల్టాయిక్ .. సౌర విద్యుత్ ప్లాంట్లను ఏర్పాటు చేసింది. విజయవాడ రైల్వే స్టేషన్ లోని 4,5 ప్లాట్ ఫాంపై సౌరవిద్యుత్ ఫలకలు ఏర్పాటు చేసి...భారీగా ఉత్పత్తి సాధిస్తోంది. మరో 65 కిలోవాట్ల పవర్ ప్లాంట్ ఏర్పాటుకు సన్నహాలు చేస్తున్నారు.
మొత్తం 137 కిలోవాట్ల సామర్థ్యంతో ఏర్పాటు చేసిన ఈ సౌరవిద్యుత్ ప్లాంట్ల ద్వారా 1.38 లక్షల యూనిట్ల వినియోగాన్ని తగ్గించడమే గాక...12.59 లక్షలు పొదుపు చేస్తున్నారు. డివిజన్ పరిధిలో కడియం, ద్వారపూడి, గోదావరి రైల్వే స్టేషన్లను పూర్తిగా సౌర శక్తితో పనిచేసేలా తీర్చిదిద్దారు. 3 స్టేషన్లలో 10 కిలోవాట్ సామర్థ్యం చొప్పున సోలార్ ఎనర్జీ న్యూట్రల్ స్టేషన్లను ఏర్పాటు చేశారు.
షెల్టర్లుగా సోలార్ ప్లాంటు..
