108 వాహనాల కొనుగోళ్లు, నిర్వహ‌ణ‌లో 307 కోట్ల భారీ కుంభ‌కోణం జ‌రిగిందని తెదేపా అధికార ప్రతినిధి ప‌ట్టాభి ఆరోపించారు. ఎంపీ విజ‌య‌సాయి రెడ్డి ప్రతీ స్కామ్‌లో భాగ‌స్వామేనని విమర్శించారు. బీవీజీ సంస్థకు 2020 డిసెంబ‌రు వ‌ర‌కు 108 వాహనాల నిర్వహణ ఒప్పందం అమ‌లులో ఉంటే...ఇప్పుడు అర‌బిందో ఫౌండేష‌న్ వారికి ఎలా ఇచ్చారని ప్రశ్నించారు. సాక్ష్యాధారాల‌తో తాము బ‌య‌టపెడుతున్న వాటికి ఏసీబీ ఏం చర్య తీసుకుంటుందని నిలదీశారు.
పోలీస్ శాఖకు ఆధారాలు, జీవోల‌తో స‌హా పంపిస్తామని.., నిందితులను అరెస్ట్ చేసే ద‌మ్ముందా? అని సవాల్‌ విసిరారు. అంబులెస్స్ నిర్వహ‌ణ‌ను క‌మిష‌నర్ హెల్త్ డిపార్ట్ మెంట్ నుంచి వైఎస్సార్ ఆరోగ్య శ్రీ హెల్త్ ట్రస్ట్కు ఎందుకు మార్చారని నిలదీశారు. రాజ‌శేఖర్రెడ్డి అనే అర్హత లేని వ్యక్తిని డిప్యూటీ సీఈవోగా కుర్చోబెట్టి మళ్లీ వెంటనే ప‌దోన్నతి ఎలా ఇచ్చారని ప్రశ్నించారు. అర‌బిందో ఫౌండేష‌న్ ఛైర్మన్ రామ్ ప్రసాద్రెడ్డి.. విజ‌య‌సాయి రెడ్డికి ద‌గ్గర బంధువు కాబట్టి 108 కాంట్రాక్టు ఆయనకి ఇచ్చారని ఆరోపించారు. 341 పాత అంబులెన్స్లో 185 కోట్లు...,432 కొత్త వాటికి 122 కోట్లు దోచిపెడుతున్నారని విమర్శించారు.
