Demand for Vangaveeti Mohana Ranga Name for District: పశ్చిమ కృష్ణా జిల్లాకు వంగవీటి మోహన రంగా పేరు పెట్టాలని.. ఫిబ్రవరి 9న తేదేపా నేత బోండా ఉమా ఆధ్వర్యంలో విజయవాడ ధర్నా చౌక్లో నిరసన దీక్ష చేపట్టనున్నారు. పార్టీలకతీతంగా పశ్చిమ కృష్ణా జిల్లాకు రంగా పేరు పెట్టాలని.. దీక్ష చేపడుతున్నామని బోండా ఉమా తెలిపారు. రంగా పేరు పెట్టకపోతే ముఖ్యమంత్రి ఇంటిని సైతం ముట్టడిస్తామని హెచ్చరించారు.
రాష్ట్రంలో ఏర్పాటు చేస్తున్న 26 జిల్లాల వల్ల కొత్తగా ఒక అటెండర్ ఉద్యోగం కూడా రాదని, కొత్త జిల్లాలకు మండల కేంద్రాలుగా వైకాపా నాయకులు చెప్పిన ప్రాంతాలనే పెడుతున్నారని ఆరోపించారు. తూర్పు కృష్ణా జిల్లాకు ఎన్టీఆర్ జిల్లాగా నామకరణం చేయాలన్నారు. వంగవీటి మోహన రంగా పేరు జిల్లాకు పెట్టడానికి ప్రభుత్వానికి వచ్చిన ఇబ్బంది ఏమిటో చెప్పాలన్నారు.
ఇదీ చదవండి:
Jagananna Chedodu Scheme Funds : చేతివృత్తులవారు బతకలేకపోతే వ్యవస్థలు కుప్పకూలుతాయి.. - సీఎం జగన్
