Bus Driver Misbehavior: ప్రయాణికురాలితో ఆర్టీసీ బస్సు డ్రైవర్ అసభ్య ప్రవర్తన

Bus driver Obscene behavior with women at Nellore: ప్రయాణికులను క్షేమంగా గమ్యం చేర్చాల్సిన బస్సు డ్రైవర్లు.. బస్సులలోనే మహిళల పట్ల అసభ్యంగా ప్రవర్తిస్తున్నారు.. రెండు రోజుల క్రితం తెలంగాణ నుంచి రాష్ట్రానికి వస్తున్న బస్సులో డ్రైవర్​ మహిళపై అత్యాచారం చేయగా.. తాజాగా నెల్లూరు నుంచి విశాఖ వెళ్తున్న ఆర్టీసీ బస్సులో ఒంటరిగా ఉన్న మహిళ పట్ల డ్రైవర్ అసభ్యకరంగా ప్రవర్తించాడు. మహిళ ఫిర్యాదులో డ్రైవర్‌ను తక్షణమే విధుల నుంచి తప్పించారు అధికారులు.

ఆర్టీసీ బస్సులో ప్రయాణికురాలితో ఓ డ్రైవర్ అసభ్యకరంగా ప్రవర్తించాడు. నెల్లూరు 1 డిపోకు చెందిన ఆర్టీసీ బస్సు నెల్లూరు నుంచి విశాఖకు వెళ్తోంది. ఈ క్రమంలో డ్రైవర్ జనార్దన్.. ఒంటరిగా ఉన్న, పక్కన కూర్చున్న మహిళ పట్ల చెడుగా ప్రవర్తించాడు. సదరు మహిళ ఈ మేరకు విజయవాడలో పీఎన్‌బీఎస్ అధికారులకు ఫిర్యాదు చేసింది.

మహిళ ఫిర్యాదుపై ప్రాథమిక విచారణ చేసిన ఉన్నతాధికారులు..తక్షణమే డ్రైవర్‌ను విధుల నుంచి తప్పించారు. మరో డ్రైవర్‌తో బస్సును విశాఖ పంపారు. సదరు డ్రైవర్​పై చర్యలు తీసుకుంటామని అధికారులు చెప్పారు.

ఇదీ చదవండి: