'యువతి హత్య కేసులో పోస్టుమార్టం నివేదిక కీలకం'

విజయవాడ యువతి హత్య కేసులో పోస్టుమార్టం నివేదిక కీలకం కానుందని సీపీ శ్రీనివాసులు వెల్లడించారు. మరో రెండు రోజుల్లో ఈ నివేదిక వస్తుందని తెలిపారు. దీనివల్ల మృతురాలి దేహంపై గాయాల గురించి స్పష్టత వస్తుందన్నారు.

విజయవాడలో ప్రేమోన్మాది ఘాతుకానికి బలైన యువతి కేసులో పోస్టుమార్టం నివేదిక కీలకమని సీపీ శ్రీనివాసులు తెలిపారు. నిందితుడు చెప్పే విషయాలనూ నమ్మలేమని వివరించారు. యువతిది హత్యేనన్న సీపీ... దివ్య శరీరంపై మొత్తం 13 గాయాలున్నట్లు గుర్తించామన్నారు. అయితే ఆ గాయాలు తాను చేసుకుందా? లేదా? అన్నది వైద్య నివేదికలో తేలుతుందని చెప్పారు. మృతురాలి గొంతు కింద తీవ్రమైన గాయమైందని... తనకు తానుగా ఆ తరహా గాయం చేసుకోవటం కష్టసాధ్యమని సీపీ తెలిపారు.

ఇదీ చదవండి