నూతన పోలీస్ యూనిట్ల ఏర్పాటుకు పోలీసు శాఖ ప్రతిపాదనలు

నూతన జిల్లాల ఏర్పాటు లో భాగంగా రాష్ట్రంలో 29 పోలీసు యూనిట్లను ఏర్పాటు చేయాలని పోలీసుశాఖ ప్రతిపాదనలు రూపొందించింది. ఈ ప్రతిపాదనలను రాష్ట్ర ప్రభుత్వానికి పంపనున్నారు.

నూతన జిల్లాల ఏర్పాటులో భాగంగా రాష్ట్రంలో 29 పోలీసు యూనిట్లను ఏర్పాటు చేయాలని పోలీసుశాఖ ప్రతిపాదనలు రూపొందించింది. ఇందులో ఏడు కమిషనరేట్లు కూడా ఉన్నాయి. శాఖాపరంగా పలు ప్రతిపాదనలపై పోలీసుశాఖ కసరత్తు చేస్తోంది. దీనిపై అంతర్గత చర్చలు జరుగుతున్నాయి. ఈ ప్రతిపాదనలను రాష్ట్ర ప్రభుత్వానికి పంపనున్నారు. కొన్ని చోట్ల జిల్లాల మౌలిక స్వరూపాలకు అనుగుణంగా కొత్త వాటిని ఏర్పాటు చేయాలని ప్రతిపాదించగా.. మరికొన్ని చోట్ల నియోజకవర్గాల మార్పులు, చేర్పులను సూచించింది. వేగంగా అభివృద్ధి చెందుతండటంతో పాటు పోర్టు, పారిశ్రామికీకరణ, నగరీకరణ నేపథ్యంలో కాకినాడలో కమిషనరేట్‌ను ప్రతిపాదించారు. ప్రస్తుతం అర్బన్‌ జిల్లాలుగా ఉన్న రాజమహేంద్రవరం, గుంటూరుల్లోనూ కమిషనరేట్లు ఏర్పాటు చేయాలని ప్రతిపాదించారు. కృష్ణపట్నం పోర్టు, సెజ్, వేగవంతమైన నగరీకరణ తదితర అంశాలను పరిగణనలోకి తీసుకుని నెల్లూరు కమిషనరేట్‌ ఏర్పాటు అవసరమని వివరించారు.

రాష్ట్రంలో ప్రస్తుతం జిల్లాకు ఒక యూనిట్ చొప్పున 13 పోలీసు యూనిట్లు ఉన్నాయి. వీటితోపాటు అర్బన్‌ పోలీసు జిల్లాలు గుంటూరు, రాజమహేంద్రవరం, తిరుపతి ఉన్నాయి. విజయవాడ, విశాఖపట్నంలో కమిషనరేట్​లు ఉన్నాయి. ప్రతిపాదిత పోలీసు జిల్లాలు 22 కాగా... విశాఖపట్నం, రాజమహేంద్రవరం, కాకినాడ, విజయవాడ, గుంటూరు, నెల్లూరు, తిరుపతి ల్లో కమిషనరేట్లు ఏర్పాటు చేయాలని ప్రతిపాదించారు. దీనిపై ఇప్పటికే జిల్లా పోలీసు అధికారులతో చర్చలు జరుపుతున్నారు . జిల్లాల నుంచి పోలీస్ స్టేషన్ల వారీగా నివేదికలు తెప్పించుకుని నూతన జిల్లాల రూపకల్పన చేస్తున్నారు.


కొత్త జిల్లాల ఏర్పాటు కోసం ప్రతిపాదనలు:

ప్రతిపాదిత జిల్లా పోలీసు యూనిట్	పోలీస్​ ప్రధాన కేంద్రం ‌	ప్రతిపాదిత పోలీసు కేంద్రంలో ఉండే అసెంబ్లీ నియోజకవర్గాలు
శ్రీకాకుళం జిల్లా	శ్రీకాకుళం	ఇచ్చాపురం, పలాస, టెక్కలి, పాతపట్నం, శ్రీకాకుళం, ఆముదాల వలస, నరసన్నపేట
విజయనగరం జిల్లా	విజయనగరం	ఎచ్చెర్ల, రాజాం, బొబ్బిలి, చీపురుపల్లి, గజపతినగరం, నెల్లిమర్ల, విజయనగరం
విశాఖపట్నం నగర కమిషనరేట్‌	విశాఖపట్నం	శృంగవరపుకోట, భీమిలి, విశాఖ తూర్పు, దక్షిణం, ఉత్తరం, తూర్పు, గాజువాక
పార్వతీపురం జిల్లా	అరకు-1, పార్వతీపురం	పాలకొండ, కురుపాం, పార్వతీపురం, సాలూరు
అరకు జిల్లా	అరకు -2, పాడేరు	అరకు వ్యాలీ, పాడేరు
అనకాపల్లి జిల్లా	అనకాపల్లి	చోడవరం, మాడుగుల, అనకాపల్లి, పెందుర్తి, యలమంచిలి, పాయకరావుపేట, నర్సీపట్నం
రంపచోడవరం జిల్లా	అరకు -2	రంపచోడవరం
రాజమహేంద్రవరం కమిషనరేట్‌	రాజమహేంద్రవరం	అనపర్తి, రాజానగరం, రాజమహేంద్రవరం నగరం, గ్రామీణం, కొవ్వూరు, నిడదవోలు, గోపాలపురం
కాకినాడ కమిషనరేట్‌	కాకినాడ	తుని, ప్రత్తిపాడు, పిఠాపురం, కాకినాడ గ్రామీణం, పెద్దాపురం, కాకినాడ నగరం, జగ్గంపేట

అమలాపురం జిల్లా	మండపేట	రంపచోడవరం, ముమ్మిడివరం, అమలాపురం, రాజోలు, పి.గన్నవరం, కొత్తపేట, మండపేట
ఏలూరు జిల్లా	ఏలూరు	ఉంగుటూరు, దెందులూరు, ఏలూరు, పోలవరం, చింతలపూడి నూజివీడు, కైకలూరు
నరసాపురం జిల్లా	నరసాపురం	ఆచంట, పాలకొల్లు, నరసాపురం, భీమవరం, ఉండి, తణుకు, తాడేపల్లిగూడెం
మచిలీపట్నం జిల్లా	మచిలీపట్నం	గుడివాడ, పెడన, మచిలీపట్నం, అవనిగడ్డ, పామర్రు
విజయవాడ కమిషనరేట్	విజయవాడ	విజయవాడ తూర్పు, పశ్చిమ, మధ్య, తిరువూరు, మైలవరం, నందిగామ, జగ్గయ్యపేట
గుంటూరు కమిషనరేట్‌	గుంటూరు	తాడికొండ, మంగళగిరి, పొన్నూరు, తెనాలి, ప్రత్తిపాడు, గుంటూరు పశ్చిమ, తూర్పు
నరసరావుపేట జిల్లా	నరసరావుపేట	పెదకూరపాడు, చిలకలూరిపేట, నరసరావుపేట, సత్తెనపల్లి, వినుకొండ, గురజాల, మాచర్ల
బాపట్ల జిల్లా	బాపట్ల	వేమూరు, రేపల్లె, బాపట్ల, పర్చూరు, అద్దంకి, చీరాల, సంతనూతలపాడు
ఒంగోలు జిల్లా	ఒంగోలు	యర్రగొండపాలెం, దర్శి, ఒంగోలు, కొండెపి, మార్కాపురం, గిద్దలూరు, కనిగిరి
నెల్లూరు గ్రామీణ జిల్లా	నెల్లూరు	కందుకూరు, కావలి, ఆత్మకూరు, ఉదయగిరి

నెల్లూరు కమిషనరేట్‌	నెల్లూరు	కోవూరు, నెల్లూరు నగరం, గ్రామీణం
తిరుపతి గ్రామీణ జిల్లా	తిరుపతి	గూడూరు, సూళ్లూరుపేట, వెంకటగిరి, సత్యవేడు
తిరుపతి కమిషనరేట్‌	తిరుపతి	తిరుపతి, శ్రీకాళహస్తి
చిత్తూరు జిల్లా	చిత్తూరు	నగరి, గంగాధర నెల్లూరు, చిత్తూరు, పూతలపట్టు, పలమనేరు, కుప్పం
రాజంపేట జిల్లా	రాజంపేట	రాజంపేట, కోడూరు, రాయచోటి, తంబళ్లపల్లి, పీలేరు, మదనపల్లి, పుంగనూరు
కడప జిల్లా	కడప	బద్వేలు, కడప, పులివెందుల, కమలాపురం, జమ్మలమడుగు, ప్రొద్దుటూరు, మైదుకూరు
హిందూపురం జిల్లా	హిందూపురం	రాప్తాడు, మడకశిర, హిందూపురం, పెనుకొండ, పుట్టపర్తి, ధర్మవరం, కదిరి
అనంతపురం జిల్లా	అనంతపురం	రాయదుర్గం, ఉరవకొండ, గుంతకల్లు, తాడిపత్రి, సింగనమల, అనంతపురం నగరం, కల్యాణదుర్గం
నంద్యాల జిల్లా	నంద్యాల	ఆళ్లగడ్డ, శ్రీశైలం, నందికొట్కూరు, పాణ్యం, నంద్యాల, బనగానపల్లె, డోన్‌
కర్నూలు జిల్లా	కర్నూలు	కర్నూలు, పత్తికొండ, కోడుమూరు, ఎమ్మిగనూరు, మంత్రాలయం, ఆదోని, ఆలూరు

ఇదీ చదవండి: