బెజవాడను కమ్మేసిన పొగమంచు

పొగమంచు విజయవాడ నగరవాసులను ఉక్కిరిబిక్కిరి చేస్తోంది. బారెడు పొద్దెక్కినా... మంచు తెరలు తొలగట్లేదు. పొగమంచు ముసుగు వీడట్లేదు.

విజయవాడను పొగమంచు కమ్మేసింది. నగర వాసులను ఉక్కిరిబిక్కిరి చేసింది. బారెడు పొద్దెక్కినా... మంచు తెరలు తొలగలేదు. పొగమంచు ముసుగు వీడలేదు. ఉదయం 9 గంటలైనా భానుడి దర్శనం కాలేదు. పొగమంచు కారణంగా రోడ్డుపై వాహనాలను గుర్తించలేని పరిస్థితి ఏర్పడింది. వాహనదారులు తీవ్ర ఇబ్బందులకు గురయ్యారు. ఉదయాన్నే విద్యాలయాలకు , కార్యాలయాలకు వెళ్లేవారు మంచు కారణంగా సమస్యలు ఎదుర్కొన్నారు.