పెట్రోల్పై రూ. 1.24, డీజిల్పై రూ.0.93 చొప్పున పెంచుతూ ప్రభుత్వం ఉత్తర్వులు జారీ చేసింది. ఏపీ వ్యాట్ చట్టం 2005ను సవరించింది. పెట్రోలుపై 31 శాతం పన్నుతోపాటు 4 రూపాయలు అదనంగా సుంకం విధిస్తున్నట్టు ప్రభుత్వం ఉత్తర్వుల్లో పేర్కొంది. డీజిల్పై 22.25 శాతం వ్యాట్తో పాటు 4 రూపాయలు అదనంగా సుంకం విధించినట్టు రాష్ట్ర ప్రభుత్వం స్పష్టం చేసింది.
కోవిడ్ కారణంగా రావాల్సిన ఆదాయం పడిపోవటంతో ఈ నిర్ణయం తీసుకున్నట్టు రెవెన్యూశాఖ ప్రత్యేక ప్రధాన కార్యదర్శి రజత్ భార్గవ ఉత్తర్వుల్లో పేర్కొన్నారు. కరోనా కారణంగా 4480 కోట్ల మేర రావాల్సిన రెవెన్యూ ప్రస్తుతం 1323 కోట్లు మాత్రమే వచ్చిందని ఈ కారణంగా పెట్రోలు, డీజిల్ ఉత్పత్తులపై వ్యాట్ సవరించిక తప్పని పరిస్థితి నెలకొన్నట్టు ప్రభుత్వం వివరించింది. ఏపీ కంటే పొరుగు రాష్ట్రాల్లో ఈ వ్యాట్ అధికంగా ఉన్నట్టు తెలిపింది. ప్రస్తుత పెంపుదల 2015-18 సంవత్సరాల మధ్య వసూలు చేసిన ప్రకారమే ఉందని ప్రభుత్వం ఉత్తర్వుల్లో పేర్కొంది.
ఇదీ చదవండి: రాష్ట్ర మంత్రివర్గ విస్తరణకు ముహూర్తం ఖరారు.. వాళ్లకే ఛాన్స్
