గవర్నర్ బిశ్వ భూషణ్​ను కలిసిన.. మిజోరాం గవర్నర్ హరిబాబు

మిజోరం గవర్నర్ కంభంపాటి హరిబాబు.. రాష్ట్ర గవర్నర్ బిశ్వభూషణ్ హరిచందన్​ను మర్యాదపూర్వకంగా కలిశారు. ఈ సందర్బంగా వివిధ పరిపాలనా సంబంధమైన అంశాలపై వారు చర్చించారు.

రాష్ట్ర గవర్నర్ బిశ్వ భూషణ్ హరిచందన్(ap governer bishwabushan harichandan)​ను.. మిజోరాం గవర్నర్ కంభంపాటి హరిబాబు(mizoram governer kambampati haribabu) మర్యాద పూర్వకంగా కలిశారు. విజయవాడలోని రాజ్ భవన్​(raj bhavan)కు చేరుకున్న హరిబాబుకు.. గవర్నర్ ప్రత్యేక ప్రధాన కార్యదర్శి ఆర్పీ సిసోడియా స్వాగతం పలికారు.

తొలుత హరిబాబు రాష్ట్ర గవర్నర్​ను మిజోరాం సంప్రదాయాలతో ఘనంగా సత్కరించారు. బిశ్వ భూషణ్ హరిచందన్ రాష్ట్ర సంప్రదాయాలను ప్రతిబింబించే విధంగా శ్రీవేంకటేశ్వరస్వామివారి ప్రతిమను బహూకరించారు. ఇద్దరు గవర్నర్లు సుమారు అరగంటకు పైగా భేటి కాగా, సమకాలీన రాజకీయ అంశాలపై చర్చించారు. దేశంలో కరోనా పరిస్థితులు చక్కబడాలని ఆకాంక్షించారు. ఈ సందర్భంగా మిజోరాంలో పర్యటించాలని హరిబాబు.. రాష్ట్ర గవర్నర్ హరిచందన్​ను ఆహ్వానించారు.

ఇదీ చదవండి: