స్వచ్ఛ శంఖారావం (swachha shankaravam) పేరిట కార్యక్రమాల్ని ప్రజల్లోకి తీసుకెళ్లేలా కార్యాచరణ చేపట్టాల్సిందిగా సర్పంచులకు మంత్రి పెద్దిరెడ్డి (peddireddy) సూచించారు. పంచాయతీరాజ్ శాఖ కమిషనర్ కార్యాలయం నుంచి రాష్ట్రవ్యాప్తంగా అన్ని జిల్లాల సర్పంచులతో వీడియో కాన్ఫరెన్సు ద్వారా మంత్రి సమావేశమయ్యారు. జూన్ 8 తేదీన సీఎం జగన్ స్వచ్ఛ సంకల్పం కార్యక్రమాన్ని ఆవిష్కరిస్తారని తెలిపారు.
గ్రామీణ ప్రాంతాల్లో పారిశుద్ధ్య లోపం వల్ల అంటు వ్యాధులు రాకూడదనే ఈ కార్యక్రమం చేపట్టినట్టు మంత్రి తెలిపారు. ఘనవ్యర్ధాల నిర్వహణ, తడిచెత్త, పొడిచెత్త సేకరణ, వనరుల సమీకరణ, ఇంకుడు గుంతల నిర్మాణం, ప్లాస్టిక్ వ్యర్ధాల నిర్వహణ ఇలా వేర్వేరు కార్యక్రమాలు నిర్వహించాలని మంత్రి స్పష్టం చేశారు. మొత్తంగా జూన్ 8 తేదీ నుంచి 90 రోజుల పాటు ఈ కార్యక్రమాలు వరుసగా చేపట్టాల్సి ఉందని మంత్రి చెప్పారు. మరోవైపు సర్పంచులకు చెక్ డ్రాయింగ్ అధికారాలు ఇవ్వటంలో కొంత ఆలస్యమైందని మంత్రి వ్యాఖ్యానించారు.
ఇదీ చదవండి:
jagan bail cancel petition: వేధింపులే జగన్ కండబలం ప్రదర్శిస్తున్నారనేందుకు నిదర్శనం: రఘురామ
