వైకాపాలో మోసపోయానంటూ మీడియా ముందు మహిళ ఆత్మహత్యాయత్నం

తనను వైకాపా నాయకులు మోసం చేశారని మాల మహానాడు మహిళా అధ్యక్షురాలు బొల్లిపల్లి జోని కుమారి ఆరోపించారు. విజయవాడ ప్రెస్ క్లబ్​లో మీడియా ఎదుటే ఆత్మహత్యాయత్నం చేశారు. పార్టీలో ఉన్న తనను కొంతమంది నేతలు అన్యాయం చేశారని వాపోయారు.

తనను వైకాపా నాయకులు మోసం చేశారని మాల మహానాడు మహిళా అధ్యక్షురాలు బొల్లిపల్లి జోని కుమారి ఆరోపించారు. విజయవాడ ప్రెస్ క్లబ్​లో ఆత్మహత్యాయత్నం చేశారు. ఆమె మాట్లాడుతూ.. తనను మోసం చేసిన వారిపై చర్యలు తీసుకోవాలని వైకాపా ఎంపీ విజయసాయిరెడ్డిని కలిసినా సమస్య పరిష్కారం కాలేదని ఆవేదన వ్యక్తంచేశారు. తనకు జరిగిన అన్యాయంపై ముఖ్యమంత్రిని కలిసి విన్నవించాలని ప్రయత్నించినా అపాయింట్​మెంట్ లభించలేదన్నారు.

'నేను వైకాపాకు చెందిన మహిళను. సీఎం జగన్ సమక్షంలోనే పార్టీలో చేరాను. అయితే పార్టీలో కొంతమంది నాయకులు నాకు అన్యాయం చేశారు. బయటకు చెప్పుకోలేని బాధ పడుతున్నాను నేను. ఈ విషయాన్ని ఎంపీ విజయసాయిరెడ్డి దృష్టికి తీసుకెళ్లినా ఎటువంటి స్పందనా లేదు. కరోనా కారణంగా సీఎంను కలవలేకపోయాను. అందుకే మీడియా ముఖంగా నా బాధను తెలియజేస్తున్నాను'-- బొల్లిపల్లి జోని కుమారి, మాల మహానాడు మహిళా అధ్యక్షురాలు

ఇవీ చదవండి...