'కాగ్​ నివేదిక జగన్​ అప్పులను బహిర్గతం చేస్తోంది'

తెదేపా ఐదేళ్ల పాలనలో చేసిన అప్పును జగన్​ ఒక్క ఏడాదిలోనే చేస్తున్నారని తెదేపా అధికార ప్రతినిధి కొమ్మారెడ్డి పట్టాభిరామ్​ మండిపడ్డారు. కాగ్​ నివేదిక జగన్​ అప్పులను బహిర్గతం చేస్తోందని విమర్శించారు.

పొరుగు రాష్ట్రాలతో పోల్చి చూస్తే.. తొలి ఆరు నెలల్లో ఏపీ రెండున్నర రెట్లుపైగా అప్పు చేసిందని తెదేపా అధికార ప్రతినిధి కొమ్మారెడ్డి పట్టాభిరామ్​ ధ్వజమెత్తారు. తమిళనాడు. తెలంగాణ రాష్ట్రాలు కలిపి చేసినంత అప్పు... గత ఆరు నెలల్లో రాష్ట్ర ప్రభుత్వం చేసిందన్నారు. రాష్ట్ర విభజన నాటికి రెవెన్యూ లోటు రూ. 16 వేల కోట్లు ఉంటే... ఈ ఆర్థిక సంవత్సరం ఆరు నెలలుకు ఇది రూ. 45,472 కోట్లుగా ఉందన్నారు. సెప్టెంబర్​ నెలలో జగన్​ ప్రభుత్వం రాష్ట్రంపై రూ. 8038 కోట్ల అప్పుభారం మోపిందని మండిపడ్డారు. కాగ్​ నివేదిక జగన్​ అప్పులను బహిర్గతం చేస్తోందని... ఆ వివరాలను విడుదల చేశారు. ఈ ఆర్థిక సంవత్సరం ఆరు నెలల్లో రూ. 55,189 కోట్లు అప్పు చేయగా... ఏడాదికి ఇది రూ. 1.11 కోట్లకు చేరే అవకాశం ఉందన్నారు. ఐదేళ్ల తెదేపా ప్రభుత్వం చేసిన అప్పును జగన్​ ఒక్క ఏడాదిలోనే చేస్తున్నారని దుయ్యబట్టారు.

ఇదీ చదవండి :