'సాధించేది ఏమి లేకనే జగన్ సిట్ అంటున్నారు'

జగన్ సిట్​లతో కాలక్షేపం చేస్తున్నారని తెదేపా జాతీయ ప్రధాన కార్యదర్శి లోకేశ్ విమర్శించారు. గతంలో వైఎస్ అధికారంలో ఉన్నప్పుడు విచారణలు, కమిటీలతో చంద్రబాబును ఏం చేయలేకపోయారని ట్వీట్ చేశారు.

సాధించేది ఏమి లేకనే జగన్ సిట్​లతో కాలక్షేపం చేస్తున్నారని తెదేపా జాతీయ ప్రధాన కార్యదర్శి లోకేశ్ విమర్శించారు. 9 నెలలుగా మంత్రుల సబ్​కమిటీలు, అధికారుల కమిటీలు, విజిలెన్స్ విచారణ, సీఐడీ విచారణ, ఈడీకి ఉత్తరాలు రాసి విచారణ చేయాలన్నారు... కానీ ఏం చెయ్యలేకపోయారని దుయ్యబట్టారు. వైఎస్ అధికారంలో ఉన్నప్పుడు తెదేపా అధినేతపై 26 కు పైగా విచారణలు, 14 సభా సంఘాలు, 4 న్యాయ విచారణలు, 3 మంత్రివర్గ ఉప సంఘాలు, 4 అధికారులతో విచారణలు, 1 సీబీసీఐడీ విచారణలు చేయించారు... కానీ చంద్రబాబును ఏం చేయలేకపోయారని లోకేశ్​ ట్విట్టర్​లో తెలిపారు.