చంద్రబాబు ట్వీట్
కరోనా వైరస్పై ప్రభుత్వం ప్రజలకు సత్వర అవగాహన కల్పంచాలని ప్రతిపక్షనేత చంద్రబాబు డిమాండ్ చేశారు. ఒకవేళ ఎవరైనా వైరస్ బారిన పడితే చికిత్సకు తగిన ఏర్పాట్లు చేయాలని సూచించారు. 5 నెలల క్రితం ఏపీలో డెంగీ వ్యాధితో అనేక మంది చనిపోయారన్న చంద్రబాబు... అదే నిర్లక్ష్యాన్ని మళ్ళీ పునరావృతం చేయొద్దని హితవు పలికారు. కరోనాను ఎదుర్కోడానికి ప్రభుత్వం అన్ని చర్యలూ తీసుకోవాలన్నారు. ప్రపంచాన్ని హడలెత్తిస్తోన్న వైరస్ హైదరాబాద్కు వచ్చిందన్న వార్త విని ఆందోళనకు గురయ్యానని ట్విటర్లో పేర్కొన్నారు. మన రాష్ట్రానికి కూడా ఆ వైరస్ వ్యాప్తి చెందే అవకాశాలు ఉన్నందున.. ప్రజలు అప్రమత్తంగా ఉండాలని సూచించారు. ముఖ్యంగా పిల్లలు, వృద్ధుల పట్ల మరింత జాగ్రత్తగా ఉంటూ.. ప్రతి ఒక్కరూ పరిశుభ్రత పాటించాలని చంద్రబాబు తెలిపారు.
ఇదీ చదవండి:
