సీఐడీ, అదనపు డీజీ సునీల్కుమార్, కృష్ణా జిల్లా అదనపు ఎస్పీ మోకా సత్తిబాబుపై క్రిమినల్ చర్యలు తీసుకోవాలని తెదేపా పొలిట్ బ్యూరో సభ్యులు వర్ల రామయ్య డీజీపీ గౌతం సవాంగ్కు లేఖ రాశారు. "అంబేడ్కర్ ఇండియన్ మిషన్ పేరిట ఓ సంస్థను సునీల్కుమార్ ఏర్పాటు చేసి.. బ్రిటీష్ పాలకులను గొప్పచేసి భారత సంప్రదాయాన్ని కించపరిచేలా మాట్లాడారు. ఎస్సీలు ఉగ్రవాదుల తరహాలో ఆత్మార్పణకు సిద్ధపడేందుకు స్వచ్ఛంద సంస్థను స్థాపించాలని రెండు వర్గాల మధ్య వైషమ్యాలు పెంచేలా కార్యక్రమంలో ప్రసగించారు. అమెరికాలో ట్విన్ టవర్లను కూల్చిన ఉగ్రవాదుల్ని ఎస్సీలు ఆదర్శంగా తీసుకోవాలని మోకా సత్తిబాబు అన్నారు. ప్రభుత్వ ఉద్యోగులుగా ఉన్న ఇద్దరు అధికారులు సర్వీస్ కాండక్ట్ రూల్స్ను ఉల్లంఘించి మాట్లాడినందుకు రాజద్రోహం కేసు పెట్టి, క్రిమినల్ చర్యలు తీసుకోవాలి." అని కోరారు. సునీల్కుమార్, సత్తిబాబు వీడియో ప్రసంగాలను తన లేఖకు వర్ల రామయ్య జతచేశారు.
ఇదీ చదవండీ... Chandrababu: 'ఫ్యాక్షనిజం పోకడలతో ఏం సంకేతాలు ఇవ్వాలనుకుంటున్నారు?'
