'చిరువ్యాపారులు, చేతివృత్తుల కుటుంబాలను కేంద్రం ఆదుకోవాలి'

కరోనా సమయంలో చతికిలపడ్డ చిరువ్యాపారులు, చేతివృత్తుల కుటుంబాలను కేంద్రం ఆదుకోవాలని సీపీఎం రాష్ట్ర కార్యవర్గ సభ్యులు చిగురుపాటి బాబూరావు డిమాండ్​ చేశారు. వీరికి రూ. 10 వేలు ఆర్థిక సాయంతో పాటుగా.. నెలరోజులకు సరిపడా సరకులు అందించాలని విజయవాడ నగర శివారులో ఆందోళన చేశారు.

విజయవాడ నగర శివారు పాయికాపురం ప్రాంతంలో సీపీఎం, అనుబంధ సంఘాలు నిరసన కార్యక్రమం చేపట్టాయి. ఈ ఆందోళనలో సీపీఎం రాష్ట్ర కార్యవర్గ సభ్యులు చిగురుపాటి బాబూరావు పాల్గొని స్థానికులకు సంఘీభావం తెలిపారు. లాక్​డౌన్​ సమయంలో పూర్తిస్థాయిలో దెబ్బతిన్న చేతివృత్తుల కుటుంబాలు, చిరువ్యాపారులకు కేంద్రం రూ. 10 వేలు ఆర్థిక సాయం చేయాలని కోరారు. అంతేకాకుండా వారికి నెలకి సరిపడా సరకులు అందించాలన్నారు. కరోనా సమయంలో ప్రజలపై భారం వేయొద్దని, పెంచిన విద్యుత్​ ఛార్జీలను వెనక్కి తీసుకోవాలని ఆయన డిమాండ్​ చేశారు.

ఇదీ చదవండి :