తెలంగాణలో కరోనా మహమ్మారి విజృంభిస్తోంది. ఆదివారం 730 కరోనా పాజిటివ్ కేసులు నమోదయ్యాయి. జీహెచ్ఎంసీ పరిధిలో 659 మంది కరోనా బారిన పడ్డారు. మొత్తం బాధితుల సంఖ్య 7802కు చేరింది. కొవిడ్తో ఏడుగురు మరణించగా.. మెుత్తం మృతుల సంఖ్య 210కి చేరింది. కరోనా నుంచి కోలుకుని 225 మంది డిశ్ఛార్జి అయ్యారు. ఇప్పటి వరకు మొత్తం 3 వేల 731 మంది కోలుకున్నారు. ఆస్పత్రుల్లో 3,861 మంది బాధితులు చికిత్స పొందుతున్నారు. ఇప్పటి వరకు తెలంగాణలో 57,054 మందికి కరోనా పరీక్షలు పూర్తయ్యాయి.
జనగామ జిల్లాలో కొత్తగా 34 కరోనా కేసులు నమోదయ్యాయి. రంగారెడ్డి 10, మేడ్చల్‌ 9, వరంగల్‌-6, కుమురం భీం ఆసిఫాబాద్‌-3, వికారాబాద్‌ జిల్లాలో ఇద్దరికి కరోనా పాజిటివ్ వచ్చింది. సంగారెడ్డి, ఆదిలాబాద్, భద్రాద్రి కొత్తగూడెం, నారాయణపేట, నల్గొండ, యాదాద్రి భువనగిరి, మెదక్‌ జిల్లాల్లో ఒక్కో కేసు నమోదైంది.
ఇవీ చూడండి: రాష్ట్రంలో కొత్తగా 477 కరోనా పాజిటివ్ కేసులు..ఐదుగురు మృతి
