ప్రైవేట్ ఆస్పత్రుల్లోనూ కోవిడ్ చికిత్సకు అనుమతి ఇస్తామని రాష్ట్రవైద్య ఆరోగ్యశాఖ ప్రత్యేక కార్యదర్శి జవహర్రెడ్డి విజయవాడలో ప్రకటించారు. ఫీజులు ప్రభుత్వ నియంత్రణలోనే ఉంటాయని..ఇప్పటికే ప్రకటించిన వాటికి స్వల్పంగా మార్పులు చేస్తున్నామని తెలిపారు. అన్లాక్-1 అమల్లోనికి వచ్చినప్పటినుంచి ఇప్పటివరకు 13, 258కేసులు నమోదయ్యాయని తెలిపారు. ప్రజల రాకపోకకు తగ్గట్లు కేసుల సంఖ్య పెరుగుతున్నాయని ఆవేదన వ్యక్తం చేశారు. మాస్కులు ధరించడం, భౌతికదూరం పాటించడం, చేతులను శుభ్రంచేసుకోవడం ద్వారా 90% వైరస్ బారినపడకుండా ఉండేందుకు వీలుందని స్పష్టం చేశారు. 40 సంవత్సరాలు పైబడిన వారిలో కరోనా మరణాల శాతం క్రమేణా పెరుగుతోందని అన్నారు. జిల్లాలోనే కోవిడ్ కేర్ కేంద్రాల్లో 2,000 పైగా పడకలు ఏర్పాటు చేస్తున్నామని పేర్కొన్నారు.
వైరస్తో చనిపోయిన వారి మృతదేహాలను గౌరవించాలని... మరణించిన ఆరు గంట అనంతరం వైరస్ వ్యాప్తి చెందదని ఆయన అన్నారు.. విజయవాడ జనరల్ ఆసుత్రిని నుంచి వృద్ధుడు మాయమైన ఘటనపై విచారణ చేస్తున్నామని తెలిపారు.
కట్టడిప్రాంత ఉపాధ్యాయులకు మినహాయింపు..
కట్టడి ప్రాంతం, రెడ్జోన్ క్వారంటైన్ కేంద్రాల్లో ఉన్న ఉపాధ్యాయులు, ప్రధానోపాధ్యాయులు, విభిన్న ప్రతిభావంతులైన బోధన, బోధేనేతర సిబ్బందికి పాఠాశాల హాజరు మినహాయింపునిస్తూ కమిషనర్ ఉత్తర్వులు జారీ చేశారు.
ఇదీ చూడండి. తాగునీటి సరఫరా ప్రాజెక్ట్ నిధులకు పరిపాలన అనుమతులు
