తెలంగాణలోని సూర్యాపేట జిల్లా కోదాడ పట్టణంలో కరోనా వైరస్ కేసులు పెరుగుతున్న పరిస్థితుల్లో.. డీఎస్పీ రఘు వినూత్నంగా ఆలోచించారు. ఫిర్యాదుదారులు ఇచ్చే పత్రాలను ఇస్త్రీ పెట్ట ద్వారా ఐరన్ చేస్తే.. పేపర్పై ఉన్న వైరస్ చనిపోతుందని అనుకున్నారు. అనుకున్నదే తడవుగా కార్యాలయానికి వచ్చే ఫిర్యాదు పేపర్లను ఇస్త్రీ చేయించిన తర్వాతనే సిబ్బంది స్వీకరించేలా చర్యలు తీసుకున్నారు.
శానిటైజర్ల ధరలు అధికంగా ఉండటం, వాటిని ఉపయోగించినప్పటికీ సమయం వృథా అవడం వల్ల ఈ ఆలోచన వచ్చిందని డీఎస్పీ రఘు వెల్లడించారు. బయట నుంచి వచ్చే సిబ్బందికి ఎప్పటికప్పుడు కాళ్లకు, చేతులకు శానిటైజర్ చేసుకుని డీఎస్పీ కార్యాలయం లోపలికి సిబ్బంది వెళ్తున్నారని వివరించారు. కరోనా వైరస్ నియంత్రణలో కోదాడ పోలీసులు అన్నిరకాల జాగ్రత్తలు తీసుకొని అందరికి ఆదర్శంగా నిలుస్తున్నారని... ప్రజలు చెబుతున్నారు.
ఇదీ చదవండి:
