అమరావతి రైతులు తలపెట్టిన మహా పాదయాత్ర(Maha padayatra)కు వైకాపా మినహా అన్ని రాజకీయ పక్షాలు మద్దతు తెలిపాయి. రాజధాని రైతులు చేపట్టిన మహా పాదయాత్ర(amaravati farmers Maha padayatra)కు తెదేపా సంపూర్ణ మద్దతు (tdp support)ఉంటుందని ఆ పార్టీ రాష్ట్ర అధ్యక్షుడు అచ్చెన్నాయుడు స్పష్టం చేశారు. మహా పాదయాత్రలో తెదేపా కార్యకర్తలు, నాయకులు పాల్గొని వారికి అండగా నిలవాలని ఆయన పిలుపునిచ్చారు. రైతుల పాదయాత్ర విజయవంతం కావాలని కోరుకుంటున్నామని అన్నారు. రైతుల మహాపాదయాత్రకు భద్రత కల్పించాల్సిన బాధ్యత ప్రభుత్వంపై ఉందన్న అచ్చెన్న.. 685 రోజులుగా రైతులు ఉద్యమం చేస్తుంటే ప్రభుత్వం నిమ్మకు నీరెత్తినట్లు వ్యవహరించడం సిగ్గుచేటన్నారు.
ఉద్యమాభివందనాలు.. : లోకేశ్
అణచివేత, అవమానాలు ఎదురైనా ఎత్తిన జెండా దించకుండా.. 685 రోజులుగా జై అమరావతి అంటూ నినదిస్తున్న రైతులకు, మహిళలకు, యువతకు తెదేపా జాతీయ ప్రధాన కార్యదర్శి నారా లోకేశ్(nara lokesh) ఉద్యమాభివందనాలు తెలిపారు. ఒకే రాష్ట్రం - ఒకే రాజధాని నినాదంతో ప్రజా రాజధాని అమరావతి(amaravati) పరిరక్షణ కోసం రైతులు తలపెట్టిన మహా పాదయాత్ర విజయవంతం కావాలని కోరుకుంటున్నట్లు లోకేశ్ తెలిపారు. శ్రీవారి ఆశీస్సులతో పాలకుల ఆలోచనధోరణిలో మార్పు వచ్చి అమరావతి రాజధానిగా కొనసాగాలన్నారు.
మహాపాదయాత్రలో పాల్గొన్న నేతలు
అమరావతి రైతులు తలపెట్టిన మహా పాదయాత్ర(Maha padayatra)కు వైకాపా మినహా అన్ని రాజకీయ పక్షాలు మద్దతు తెలిపాయి. ప్రతిపక్షం తెలుగుదేశం పార్టీ తరఫున సీనియర్ నేతలు దేవినేని ఉమా, ప్రతిపాటి పుల్లరావు, తెనాలి శ్రావణ్ కుమార్, మర్రెడ్డి శ్రీనివాస్ రెడ్డి, గొనుగోంట్ల కోటేశ్వరరావు పాల్గొన్నారు.
సీపీఐ మద్దతు
అమరావతి రైతులు తలపెట్టిన మహా పాదయాత్రకు సీపీఐ జాతీయ ప్రధానకార్యదర్శి నారాయణ (cpi narayana support)మద్దతు తెలిపారు. ప్రభుత్వ విధానాలను తప్పుబట్టిన నారాయణ.. ప్రతి జిల్లాలో రైతుల పాదయాత్రకు సీపీఐ శ్రేణులు అండగా నిలుస్తారన్నారు. తుళ్లూరు నుంచి పెదపరిమి వరకు నారాయణ పాదయాత్రలో పాల్గొన్నారు.
మహా పాదయాత్రకు విరాళం
అమరావతి రైతులు తలపెట్టిన మహా పాదయాత్రకు రేపల్లె ఎమ్మెల్యే అనగాని సత్యప్రసాద్ రూ.ఏడు లక్షల విరాళం ప్రకటించారు. న్యాయపోరాటం చేస్తున్న రైతులకు న్యాయదేవత ఆశ్సీస్సులతోపాటు.. దేవుడి ఆశ్సీస్సులు ఉంటాయని ఆయన ఆకాక్షించారు. గద్దె అనురాధ రూ.లక్ష ప్రకటించారు. వైకాపా నుంచి ఎంపీ రఘురామరాజు(ycp mp raghurama support) రైతుల పాదయాత్రకు మద్దతు తెలపటంతో పాటు.. రూ.3లక్షల మేర విరాళం ప్రకటించినట్లు రైతులు తెలిపారు.
గోరంట్ల సవాల్..
రాజధానిగా అమరావతిని కొనసాగించాలనే రెఫరెండంపై వైకాపా ప్రజాప్రతినిధులు రాజీనామా చేయాలని తెదేపా పొలిట్ బ్యూరో సభ్యులు గోరంట్ల బుచ్చయ్య చౌదరి సవాల్(Gorantla Buchayya Chaudhary challenge) చేశారు. హోంమంత్రి సుచరిత ప్రాతినిధ్యం వహిస్తున్న ప్రత్తిపాడుతోపాటు తాడికొండ, మంగళగిరి స్థానాలకు వైకాపా ఎమ్మెల్యేలు రాజీనామాలు చేస్తే.. తాను, మరో ఇద్దరు తెదేపా ఎమ్మెల్యేలు రాజీనామాకు సిద్ధమని స్పష్టం చేశారు. ఈ ఆరు నియోజకవర్గాల్లో ఉపఎన్నిక నిర్వహించి ప్రజాతీర్పుకు కట్టుబడదామని సవాల్ విసిరారు. రాజధాని రైతుల పాదయాత్రలో పాల్గొన్న ఆయన తన సంఘీభావాన్ని తెలియజేశారు.
భాజపా మద్దతు..
ప్రధాని మోదీ శంకుస్థాపన చేసిన అమరావతే రాజధానిగా కొనసాగి తీరుతుందని భాజపా నేతలు స్పష్టం చేశారు. రాజధాని రైతులు చేపట్టిన మహా పాదయాత్రకు భాజపా నేతలు(bjp leaders support) సంఘీభావం తెలిపారు.
ట్రాక్టర్ నడిపిన కేంద్ర మాజీ మంత్రి
రైతు సమస్య ఎక్కడ ఉంటే.. అక్కడ కాంగ్రెస్ పార్టీ ఉంటుందని కేంద్ర మాజీ మంత్రి రేణుకా చౌదరి(Former Union Minister Renuka Chaudhary) తెలిపారు. రాజధాని రైతుల మహాపాదయాత్రలో ఆమె ట్రాక్టర్ నడిపి సంఘీభావం తెలిపారు.
పాదయాత్రలో పాల్గొన్న న్యాయవాదులు
రైతుల పాదయాత్రకు.. ప్రభుత్వం అడ్డంకులు సృష్టించే విధంగా కుట్రలు పన్నుతోందని హైకోర్టు న్యాయవాదులు ఆరోపించారు. రైతులకు సంఘీభావంగా న్యాయవాదులు పెద్దఎత్తున పాదయాత్రలో పాల్గొన్నారు. ఎవరు ఎన్ని అడ్డంకులు సృష్టించిన కార్యక్రమం విజయవంతమై తీరుతుందని వారు స్పష్టం చేశారు.
ఇదీ చదవండి: న్యాయస్థానం నుంచి దేవస్థానం వరకు.. అమరావతి రైతుల మహాపాదయాత్ర
