ఒకరితో ప్రేమ... మరొకరితో పెళ్లి..!
తిరుపతిలో ప్రేమ పేరుతో యువతిని మోసగించాడో యువకుడు. స్థానిక కొర్లగుంటకు చెందిన చంద్రమౌళి అనే యువకుడు బెంగళూరులో సాఫ్ట్వేర్ ఇంజినీర్గా ఉద్యోగం చేస్తున్నాడు. అదే ప్రాంతానికి చెందిన యువతితో రెండేళ్లుగా ప్రేమయాణం సాగించాడు. ఇప్పుడు వేరొకరితో పెళ్లి పీటలు ఎక్కేందుకు నిశ్చితార్థం చేసుకున్నాడు. ఈ విషయం తెలుసుకున్న ప్రియురాలు తిరుపతి ఈస్ట్ పోలీసులకు ఫిర్యాదు చేయడానికి వెళ్లింది. తన ఫిర్యాదును పోలీసులు స్వీకరించడం లేదని యువతి ఆరోపించింది. చివరకు చేసేదేమి లేక స్నేహితులతో కలిసి కొర్లగుంటలోని ప్రియుడి ఇంటిముందు ధర్నా చేసింది. చంద్రమౌళి కుటుంబసభ్యులు ఇంటికి తాళం వేసి పారిపోయారు.
