తిరుమల శ్రీ వేంకటేశ్వరస్వామి బ్రహ్మోత్సవాల సందర్భంగా.. గరుడోత్సవం నాడు ఎస్వీబీసీ కన్నడ ఛానల్ ప్రారంభోత్సవానికి హాజరుకావాలని కర్ణాటక ముఖ్యమంత్రి బసవరాజ్ బొమ్మైను తితిదే ఛైర్మన్ వైవీ సుబ్బారెడ్డి, ఈవో డాక్టర్ కె.ఎస్ జవహర్ రెడ్డి ఆహ్వానించారు. బెంగుళూరులోని ముఖ్యమంత్రి నివాసంలో కలిసి.. బ్రహ్మోత్సవ ఆహ్వాన పత్రికతో పాటు స్వామి వారి తీర్ధ ప్రసాదాలు అందజేశారు.
హిందూ ధర్మ ప్రచారంలో భాగంగా అక్టోబర్ 11న కన్నడతో పాటు హిందీ ఛానల్నూ ప్రారంభించాలని నిర్ణయించామని తితిదే ఛైర్మన్ వైవీ సుబ్బారెడ్డి అన్నారు. ఎస్వీబీసీ కన్నడ ఛానల్ అభివృద్ధికి కర్ణాటక రాష్ట్ర ప్రభుత్వపరంగా సహకారం అందించాలని విజ్ఞప్తి చేశారు. ఎస్వీబీసీ కన్నడ ఛానల్కు ప్రభుత్వపరంగా అవసరమైన సహాయ సహకారాలన్నీ అందిస్తామని ఆ రాష్ట్ర ముఖ్యమంత్రి బసవరాజ్ బొమ్మై చెప్పారు.
ఇదీచదవండి.
