శ్రీవారి ఆలయంలోకి సర్పం.. భయంతో పరుగులు తీసిన భక్తులు

నిత్యం రద్దీగా ఉండే తిరుమల శ్రీవారి ఆలయంలోకి పాము ప్రవేశించింది. భక్తుల క్యూలైన్ సమీపం వరకు రాగా.. జనం పరుగులు తీశారు. పాములు పట్టే సిబ్బంది వచ్చి.. ఆ సర్పాన్ని తీసుకువెళ్లి అటవీ ప్రాంతంలో విడిచిపెట్టారు.

తిరుమలలోని శ్రీవారి ఆలయం వద్ద పాము హల్​చల్​ చేసింది. నిత్యం జనసందోహంతో నిండి ఉండే ఆలయ ప్రాంగణంలోకి పాము రాగా.. భక్తులు పరుగులు పెట్టారు. అక్కడే ఉన్న పారిశుద్ధ్య సిబ్బంది.. ఆ సర్పాన్ని చెత్తకుండీతో మూసి పెట్టారు.

పాములు పట్టే సిబ్బంది అక్కడికి చేరుకుని.. భక్తులకు ఇబ్బంది కలుగకుండా సంచిలో తీసుకువెళ్లి అటవీ ప్రాంతంలో వదిలిపెట్టారు. భక్తుల క్యూలైన్​ సమీపం వరకు సర్పం రాగా.. కొంత సమయం పాటు సిబ్బంది ఆందోళన చెందారు.

ఇదీ చదవండి: